U kupe nie bolš za dvuch. BČ uvodzić novuju schiemu rassadžvańnia ŭ vahonach
Kvitki na ciahniki Biełaruskaj čyhunki z numaravanymi miescami z 15 pa 29 krasavika buduć afarmlacca z vykarystańniem novaj schiemy rassadžvańnia ŭ vahonach.
Časovaja miera daść mahčymaść pasažyram prytrymlivacca nieabchodnaj sacyjalnaj dystancyi ŭ kupejnych, płackartnych vahonach i ŭ vahonach ź miescami dla siadzieńnia, i rekamiendavana Ministerstvam achovy zdaroŭja ŭ suviazi ź niespryjalnaj epidemijałahičnaj situacyjaj.
Pa novaj schiemie ŭ kupejnych vahonach buduć raźmiaščacca nie bolš za dva pasažyry ŭ kupe, u płackartnych — nie bolš za try ŭ adnym adsieku. Dla pasažyraŭ, jakija aformili kvitki ŭ adnoj zamovie, dazvalajecca prodaž 3 i 4 miescaŭ u kupe pry ŭmovie, što da hetaha ŭ kupe nivodnaha miesca nie było pradadziena.
U siadziačych vahonach budzie takaja schiema rassadžvańnia: u dvuchmiesnym radzie pasažyr zajmaje miesca la akna, u trochmiesnym — adzin pasažyr kala akna, a druhi — praź miesca la prachodu (kresła pamiž imi zastajecca volnym).
Novaja schiema rassadžvańnia vykarystoŭvajecca pry kupli biletaŭ jak u kasach, tak i praź internet.
Kali kvitki kupili da ŭviadzieńnia novaj schiemy rassadžvańnia, pasažyry zajmajuć miescy zhodna z aformlenym prajaznym dakumientam.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary