Minčuk zarabiŭ 70 tysiač, pradajučy zvyčajnyja maski pad markaj reśpirataraŭ
Bolš za 300 čałaviek mahli stać achviarami machlarstva z reśpiratarami, paviedamlaje Kamitet dziaržkantrolu.
Pa hetaj spravie zatrymali i ŭziali pad vartu ŭ izalatar časovaha ŭtrymańnia minčuka. Na prodažy masak pad vyhladam reśpirataraŭ jon moh zarabić bolš za 70 tysiač rubloŭ.
Mužčyna prymaŭ praź internet zakazy na reśpiratary suśvietnych vytvorcaŭ z kłasam abarony FPP2 i FPP3. Pradavaŭ tavary praz svaju žonku, zarehistravanuju ŭ jakaści indyvidualnaha pradprymalnika. Patencyjnych pakupnikoŭ mužčyna pierakonvaŭ, što reśpiratary majuć nieabchodnyja siertyfikaty, adnak u rečaisnaści heta byli paviazki sumnieŭnaj jakaści i biez markiroŭki.
Apłata za tavar ažyćciaŭlałasia nakładzienym płaciažom, jaho dastaŭlali kurjery «Biełpošty». Takim čynam, pakupniki nie mahli pravieryć tavar da raźliku z kurjeram i admovicca ad jaho atrymańnia. Paviazki zamiest reśpirataraŭ mahli nabyć zvyš 300 čałaviek, a ahulnaja suma škody moža skłaści bolš za 70 tysiač.
Na svaich sajtach minčuk nazyvaŭ dva numary telefona: adzin — dla kansultacyi pierad prodažam tavaru, druhi — dla nakiravańnia pretenzij. Pa słovach pakupnikoŭ, datelefanavacca pa druhim numary im tak i nie ŭdałosia.
Zaviali kryminalnuju spravu.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym1
Kamientary