72-hadovaja Volha Sadavaja z Hancavič pamierła 11 krasavika ŭ miascovaj balnicy. Žančynu špitalizavali ź pnieŭmanijaj, pieršy analiz na karanavirus byŭ admoŭnym. Ale paśla śmierci pacyjentki daktary zahadali chavać jaje ŭ zakrytaj trunie.
Volha Sadavaja z dačkoj Śviatłanaj
Ciapier svajaki Sadavoj raskazvajuć, što pa horadzie papaŭźli čutki: Volha Ryhoraŭna pamierła ad karanavirusa, i jaje chavali pad kanvojem milicyi. Miascovyja žychary pačali šarachacca ad siamji i navat pierachodzić na inšy bok vulicy.
«2 krasavika mama źjeździła na mohiłki, prybracca na miescy pachavańnia babuli. Tady było choładna, i mama prastyła. Jana viarnułasia dadomu, vyklikała doktara, joj pryznačyli antybijotyki, — raskazvaje «Našaj Nivie» Volha Kosmač, dačka Volhi Sadavoj. — Lepš joj nie stanaviłasia. Jana vyklikłała jašče raz doktara na dom. Doktarka joj skazała: u vas vostry branchit, pad pytańniem pnieŭmanija. Kali chočacie, zrabicie zdymak.
Heta było 9 krasavika. Na nastupny dzień ranicaj mama pajšła rabić toj zdymak. U jaje ŭbačyli pnieŭmaniju i adrazu ž špitalizavali».
Volha Kosmač kaža, što ŭžo praź niekalki hadzin paśla špitalizacyi jaje mamu pieraviali ŭ reanimacyju.
«My zvanili kožnyja niekalki hadzin. A 6-j viečara spytalisia ŭ dziažurnaha: jana sama dychaje? Jon adkazaŭ: u pierśpiektyvie padklučeńnie da aparataŭ. A 9-j viečara mama ŭžo lažała pad aparatam ŠVŁ. Kala 11-j viečara stan byŭ vielmi ciažkim. Apoŭnačy mama pamierła», — zhadvaje Kosmač.
Paśla špitalizacyi Volzie Sadavoj zrabili niekalki analizaŭ na karanavirus. Pieršy ź ich byŭ admoŭnym.
«Namieśnik hałoŭnaha doktara skazaŭ nam: jaki b ni byŭ druhi test, chavać jaje buduć u kapsule, to-bok u śpiecyjalnym miachu. Truna budzie zakrytaja i apracavanaja dezsrodkami, — kaža dačka pamierłaj. — U vyniku my tak i zrabili. Trunu navat nie zanosili ŭ chatu, raźvitalisia na vulicy kala doma. Adpiavali taksama na vulicy, na padvorku carkvy. Na pachavańnie amal nikoha nie klikali. Svajakam, jakija žyvuć u inšych haradach, skazali nie pryjadžać».
11 krasavika ŭviečary pryjšoŭ druhi vynik analizaŭ pamierłaj žančyny — znoŭ admoŭny. Paśla patałahaanatamy brali bijamateryjał i praviarali jaho, adpraŭlali ŭ Minsk — analiz na karanavirus byŭ znoŭ admoŭny, kaža dačka.
Pryčynaj śmierci jaje mamy ŭskosna stała pnieŭmanija: serca nie vytryvała ŭskładnieńniaŭ.
«Uvieś maskarad z zakrytaj trunoj zładzili hałoŭny doktar našaj balnicy i jaho namieśnik. Da ich jak da prafiesijanałaŭ u nas nijakich pytańniaŭ niama.
Ale chaj jany daduć choć niejkaje abviaržeńnie pra śmierć majoj mamy. Kab hetaje klajmo «karanavirus» z nas źniali… Bo pačałosia piekła, —
raskazvaje Volha Kosmač. — Horad maleńki, čutki paŭzuć. Ludzi šarachajucca ad nas. Usie dumajuć, što mama pamierła ad karanavirusa.
Ja zajmajusia manikiuram — da mianie ciapier nichto nie pojdzie. Susiedzi, kali bačać mianie, pierachodziać na inšy bok vulicy.
Ja ŭčora pajšła ŭ carkvu — i ja ž baču, jak ludzi reahujuć na mianie. Heta ciažka».
Śviatłana Bahrova, druhaja dačka pamierłaj Volhi Sadavoj, pracuje ŭ dziciačym sadku. Jana ciapier sapraŭdy na samaizalacyi.
«Ja na samaizalacyi, ale nichto nie prymušaŭ. Heta ja sama vyrašyła: ja donar, maju vychadnyja, voś vyrašyła, što vydatnaja nahoda hetyja vychadnyja vykarystać, — kaža Śviatłana. —
My razumiejem niebiaśpieku, tamu i chavali mamu ŭ zakrytaj trunie. My chavali jaje tak dla ludziej, kab nichto ź ich nie zachvareŭ, kab pierastrachavacca.
I paviercie, nam heta było ŭdvaja ciažej: pieražyć takuju stratu i jašče i vykanać usie hetyja miery biaśpieki.
Nu a toje, što ciapier na nas pakazvajuć palcam ci šarachajucca, — Boh ź imi. Ja spakojna da hetaha staŭlusia. Fakt taki: try testy byli admoŭnymi. Karanavirusa nie było».
«Naša Niva» źviazałasia z tym namieśnikam hałoŭnaha doktara Hancavickaj centralnaj rajonaj balnicy. Jon byŭ łakaničny: «Analiz na karanavirus byŭ admoŭny. Astatniaje — biez kamientaraŭ».