Situacyju z pandemijaj roznyja hrupy i siły stali vykarystoŭvać va ŭłasnych intaresach. Takoje mierkavańnie vykazaŭ u žyvym efiry prahramy «Havoryć i pakazvaje Minsk» na «Radyjo-Minsk» deputat Pałaty pradstaŭnikoŭ Valer Varaniecki.
— Treba zadać sabie pytańnie: jakija jość padstavy nie vieryć aficyjnaj infarmacyi Minzdaroŭja? — adznačyŭ Varaniecki. — I nie kožny adkaža. Prablema ŭ tym, što my niejak zabylisia, što treba daviarać prafiesijanałam.
Na dumku parłamientaryja, kali niechta ź ludziej chvareje, jon idzie da doktara, raźličvajučy, što patrapić na pryjom da prafiesijanała, jaki pryznačyć pravilnaje lačeńnie.
— My jamu vierym. Ale čamuści nie vierym tym daktaram, jakija adkaznyja za baraćbu z karanavirusnaj infiekcyjaj. Viadoma, heta psichałahičny fienomien, — ličyć deputat.
Jon taksama miarkuje, što roznyja sacyjalnyja i palityčnyja hrupy i siły stali vykarystoŭvać situacyju z pandemijaj va ŭłasnych intaresach.
— Jany sprabujuć realizavać svaje ŭłasnyja płany, — skazaŭ Varaniecki.