Pucin padpisaŭ zakon ab pieranosie daty zakančeńnia Druhoj suśvietnaj vajny
Prezident Rasii Uładzimir Pucin padpisaŭ zakon ab pieranosie Dnia zakančeńnia Druhoj suśvietnaj vajny z 2 na 3 vieraśnia. Dakumient apublikavany ŭ piatnicu, 24 krasavika, na aficyjnym internet-partale pravavoj infarmacyi.
U tłumačalnaj zapiscy adznačajecca, što pieramoha Savieckaha Sajuza nad Japonijaj u 1945 hodzie ŭniesła vyrašalny ŭkład u zaviaršeńnie Druhoj suśvietnaj vajny.
15 krasavika Saviet pry prezidencie Rasii pa pravach čałavieka (SPČ) źviarnuŭsia ŭ Saviet Fiederacyi z prośbaj adchilić dadzienuju inicyjatyvu, nahadaŭšy ab hibieli ŭ hety dzień 333 čałaviek u chodzie teraktu ŭ Biesłanie. Śpikier vierchniaj pałaty parłamienta ŭ svaju čarhu zaklikała hetuju temu nie «palityzavać i dramatyzavać». Za dzień da hetaha dakumient byŭ pryniaty Dziarždumaj adrazu ŭ troch čytańniach, paviedamlaje lenta.ru
2 vieraśnia byŭ abvieščany pamiatnaj dataj — Dniom zakančeńnia Druhoj suśvietnaj vajny — u lipieni 2010 hoda. U hety dzień u 1945 hodzie byŭ padpisany Akt ab kapitulacyi Japonii. Va ŭsim śviecie dniom zakančeńnia Druhoj suśvietnaj vajny ličać 2 vieraśnia. Miž tym u Savieckim Sajuzie hetym dniom ličyłasia 3 vieraśnia. Zachavalisia płakaty taho času z nadpisami: «Śviata Pieramohi nad Japonijaj — 3 Vieraśnia».
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary