Z 11 maja ŭ Litvie płanujuć treci etap źmiakčeńnia karancinu, dazvolać nievialikija schody, paviedamiŭ ministr kultury, piša Delfi.lt.
«U adpaviednaści z płanam, jon (treci etap źmiakčeńnia) moža pačacca 11 maja. Tady možna budzie zbolšaha pačać praviadzieńnie raboty kulturnych ustanoŭ, mahčyma, abmiežavanyja schody», — skazaŭ 24 krasavika ministr kultury Litvy Mindaŭhas Kvietkaŭskas.
«Dla nas heta vielmi aktualnaje pytańnie, my ŭzhadniajem heta i z ustanovami, i z asacyjacyjami. Pasprabujem uzhadnić hetyja pytańni da treciaha etapu źmiakčeńnia karancinu», — skazaŭ jon. Pa słovach ministra, treba znajści rašeńnie ŭ pytańni ludziej z hrupy ryzyki, a taksama padabrać charaktarystyku biaśpiečnaj adlehłaści.
«Nam treba tvorča padyści da pošuku rašeńniaŭ», — skazaŭ ministr.
Adnak jon padkreśliŭ, što nieabmiežavanyja masavyja mierapryjemstvy mahčymyja tolki na apošnim etapie. «Samaja vysokaja niebiaśpieka zaražeńnia — padčas masavych mierapryjemstvaŭ», — padkreśliŭ ministr.
Jon paviedamiŭ, što na źmiakčeńnie nastupstvaŭ COVID-19 u śfiery kultury ŭrad vydzieliŭ 8,3 młn. jeŭra.
Nahadajem, što karancin u Litvie dziejničaje z 16 sakavika.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary