Reformy praciahvajucca: u Saudaŭskaj Aravii admianili pakarańnie bizunami
Viarchoŭny sud Saudaŭskaj Aravii pryniaŭ rašeńnie admianić pakarańnie ŭdarami bizunami, jakoje praduhledžvała zakanadaŭstva krainy, paviedamlaje BBC. U jakaści zamieny vinavatym u ździajśnieńni cełaha šeraha złačynstvaŭ zaraz pahražaje štraf abo turemnaje źniavoleńnie.
U Er-Ryjadzie hetaje rašeńnie patłumačyli praciaham reformaŭ, pačatych karalom Sałmanam i jaho synam, naślednym pryncam Muchamiedam bin Sałmanam.
Pakarańnie bizunami, jakoje praduhledžana zakonami šaryjatu, raniej pryznačałasia ŭ cełym šerahu musulmanskich krain. Siarod ich pralubadziejstva, užyvańnie ałkaholu, drobny kradziež.
U śniežni 2019-ha ministerstva justycyi Saudaŭskaj Aravii ŭstanaviła zabaronu na šluby ź dziećmi. U 2018 hodzie žančynam-paddanym karaleŭstva dazvolili vadzić mašynu i naviedvać futbolnyja matčy.
Kamientary