Eks-trenier minskaha «Dynama» Siarhiej Hurenka raspavioŭ, što futbalist Ihar Šytaŭ paśla adnoj z trenirovak udaryŭ partniora Alaksieja Ryasa, piša «Trybuna» sa spasyłkaj na efir «Biełaruś 5».
![](http://nnexpictures.fra1.digitaloceanspaces.com/img/w732d4webp1/photos/z_2020_04/shitov-uki08.png.webp)
«Heta majo było rašeńnie, kab navat z čałaviekam razarvali kantrakt. Ihar Šytaŭ vielmi hruba i žorstka zhulaŭ u Paŭłoŭskaha i zamiest taho, kab paprasić prabačeńnia, i incydent byŭ by vyčarpany, jon pačaŭ ahresiŭna siabie pavodzić. I Loša [Ryas] vykazaŭ u spakojnaj formie: «Navošta ty heta robiš?». Zrazumieła, što znoŭ pajšła žorstkaja i vielmi ahresiŭnaja z boku Ihara maniera znosin ź Lošam. Viadoma, ja heta ŭsio spyniŭ, i incydent byŭ vyčarpany. Nie było bolš pytańniaŭ, tema zakryta, epizody takija byvajuć časta na treniroŭkach, i heta nie prablema.
Ale prablema ŭ tym, što zdaryłasia paśla treniroŭki, kali dva futbalisty zajšli ŭ trenažornuju zału. I biez papiaredžańnia, u toj momant, kali čałaviek byŭ rassłableny, zboku byŭ naniesieny ŭdar, pryčym udar, jaki moh mieć samyja surjoznyja nastupstvy».
«Šytaŭ pavinien być prykładam dla maładych chłopcaŭ. A voś hetyja pavodziny — heta… Ščyra skažu, kali jaho viarnuli ŭ kamandu, ja dumaŭ, što jon publična paprosić prabačeńnia za incydent pierad kamandaj, trenierskim štabam, zaŭziatarami. Ale hetaha nie było, tamu…
Zaraz novy trenierski štab. Im vybirać, raźbiracca z hetaj spravaj», — skazaŭ Hurenka.
***
Ihar Šytaŭ — adzin z samych vopytnych futbalistaŭ zbornaj Biełarusi, pravioŭ 65 hulniaŭ i zabiŭ 1 hoł.
Alaksiej Ryas taksama hulaŭ za zbornuju, pravioŭ 10 matčaŭ i zabiŭ 1 hoł.
I Šytaŭ, i Ryas hulajuć na adnoj pazicyi, pravaha abaroncy.
Kamientary