Pamior viadomy bankir i deviełapier Alaksandr Nielin, paviedamlaje jaho znajomy Juryj Vaskrasienski.
Alaksandr Nielin źjaŭlaŭsia zasnavalnikam viadomaha ŭ 1990-ja i na praciahu pieršaj pałovy 2000-ch hadoŭ «Banka «Załaty Taler»». Bank byŭ stvorany im u 1994 hodzie i staŭ jadrom adnoj ź pieršych pryvatnych finansava-pramysłovych hrup niezaležnaj Biełarusi. Akramia banka, u jaje ŭvachodzili strachavaja kampanija «Słaŭpolis» i sietka aftalmałahičnyja klinik «Aptymied». U 1997-1998 hadach «Bank «Załaty Taler»» sprabavaŭ atrymać pieršuju ŭ Biełarusi licenziju na stvareńnie i razhortvańnie mabilnaj suviazi GSM u Biełarusi, ale sastupiŭ aljansu «Biełtechekspartu» i SB Telecom.
Deviełapierskija kampanii Alaksandra Nielina stajali la vytokaŭ zabudovy handlovymi centrami Kamaroŭskaha rynku. U vyniku kanflikt z byłymi partniorami pa hetych budoŭlach staŭ pryčynaj zatrymańnia ŭpłyvovaha biznesmiena ŭ 2005 hodzie. U 2007 hodzie Alaksandr Nielin byŭ asudžany na dzieviać z pałovaj hadoŭ pazbaŭleńnia voli «za złoŭžyvańnie słužbovymi paŭnamoctvami i machlarstva». U 2008 hodzie «Bank «Załaty Taler»» kupili livanskija kampanii Fransa Holding i Fransabank i pieraŭtvaryli jaho ŭ Fransabank. Bankir vyjšaŭ na volu ŭ pačatku 2010-ch, pisała pra jaho «Zaŭtra tvajoj krainy».
«My vielmi hetaha chočam, my nastojvajem» — pres-sakratarka Łukašenki raskazała, ci pojdzie toj na nastupnyja vybary10
Kamientary