Ministr Karpienka: Prablemy ŭ tym, što zaniatki ŭ škołach adnavilisia, niama. A dystancyjnaje navučańnie — nie panaceja
Raspracoŭku adzinaj płatformy dla addalenaha navučańnia školnikaŭ Biełarusi mohuć zaviaršyć da kanca 2020 hoda. Pra heta ŭ intervju telekanału «Biełaruś-1» skazaŭ ministr adukacyi Ihar Karpienka, paviedamlaje BIEŁTA.
«Dla nas ža nie sakret, što i ŭ byłyja hady byli dzieci, jakija chvareli abo znachodzilisia na chatnim navučańni. Stvaryŭšy hetuju płatformu, uziaŭšy lepšyja napracoŭki, jakija jość u škołach, kankretnych ustanovach adukacyi, plus śpiecyjalna padrychtavaŭšy tyja ci inšyja mietadyčnyja napracoŭki, dumaju, što da kanca hoda my hetuju pracu zavieršym. I hetaja płatforma pačnie dziejničać u Respublicy Biełaruś», — skazaŭ Ihar Karpienka.
Pry hetym, zrazumieła, havorka nie idzie ab zamienie kłasičnaj adukacyi.
Ministr adukacyi adznačyŭ, što ŭ hetaj pracy ŭvažliva vyvučajecca vopyt kaleh z susiednich krain. Da dystancyjnaj adukacyi masa pytańniaŭ. U pryvatnaści, Ihar Karpienka źviarnuŭ uvahu na pytańnie matyvacyi da vučoby: kali ŭ dziciaci niama žadańnia vučycca ŭ farmacie zaniatkaŭ u kłasie, to na «addalency» jano taksama naŭrad ci źjavicca. «My navat pa studentach siońnia nazirajem, voś ja ŭčora byŭ u Hrodzienskim univiersitecie. Jość studenty, jakija 2-3 hadziny pravodziać na hetaj dystancyjnaj płatformie. A jość studenty, jakija zajšli na 15 chvilin i ŭsio.
Tamu ja jašče raz kažu: siońnia dystancyjnaje navučańnie — heta nie panaceja. Heta tolki dadatkovyja mahčymaści dla raźvićcia sistemy adukacyi», — reziumavaŭ ministr.
Taksama jon nie bačyć prablemy ŭ tym, što zaniatki ŭ škołach adnavilisia. Pakolki ŭnutry školnych ścien prymajucca ŭsie nieabchodnyja miery biaśpieki, dzieci znachodziacca pad nahladam, a ich baćkam, mnohija ź jakich praciahvajuć pracavać na svaich pracoŭnych miescach, nie treba turbavacca pra toje, jak i dzie školniki pravodziać hety čas.
Ciapier čytajuć
«Dyjalekt padazrony». Śpiavak Siaroha pryjšoŭ na rasijskaje realici i sabraŭ usich chejtaraŭ5
Kamientary