Vieteranaŭ Vialikaj Ajčynnaj vajny na trybunach padčas praviadzieńnia parada Pieramohi z pryčyny składanaj epidemijałahičnaj situacyi z-za COVID-19 u hetym hodzie nie budzie, paviedamiŭ Alaksandr Łukašenka ŭ paniadziełak u chodzie pieramovaŭ z prezidentam Małdovy Iharam Dadonam, piša BiełTA.
«My vielmi akuratna stavimsia da hetaha mierapryjemstva (parada). My prasili vieteranaŭ Vialikaj Ajčynnaj vajny (ich užo zastałosia zusim niašmat, niekalki tysiač čałaviek, i tym užo bolš za 90 hadoŭ), kab jany nie nastojvali na tym, kab my, jak zvyčajna heta byvała, advieźli ich na parad», — skazaŭ Alaksandr Łukašenka.
Pavodle jaho słoŭ, vieterany nie zabyty i nie abdzieleny ŭvahaj. U pieradśviatočnyja dni ich asabista vinšujuć pradstaŭniki hramadskich arhanizacyj, vieteranam uručajucca jubilejnyja miedali, praviedzieny praduhledžanyja vypłaty.
«Heta značyć, my nadali vielmi surjoznuju ŭvahu našym pazastałym vieteranam Vialikaj Ajčynnaj vajny. Tamu dumaju, što jany mnie darujuć, što ja nie zadavoliŭ upieršyniu za 20 ź lišnim hadoŭ (prośbu) pryvieźci ich na parad. U nas zaŭsiody było tak: my ich pryvozili, asobnaja trybuna, jany z ŭnukami, dzietkami (chto z kim chacieŭ) znachodzilisia na trybunie», — adznačyŭ jon.
Kamientary