Amierykanskaja bijatechnałahičnaja kampanija Moderna dała spravazdaču ab paśpiachovych kliničnych vyprabavańniach vakcyny ad karanavirusa. Adpaviednaja zajava apublikavanaja ŭ paniadziełak na sajcie kampanii.
Vyprabavańni vakcyny pačalisia 16 sakavika ŭ daśledčym centry ŭ Sietle (štat Vašynhton). Jany pravodzilisia sumiesna kampanijaj Moderna i śpiecyjalistami Nacyjanalnych instytutaŭ achovy zdaroŭja ZŠA. U vyprabavańniach uziali ŭdzieł 45 čałaviek.
Udzielniki kliničnych vyprabavańniaŭ byli padzielenyja na niekalki hrup i atrymlivali roznyja dozy vakcyny. U tych, chto atrymlivaŭ najmienšuju dozu vakcyny, antycieły vypracavalisia prykładna ŭ toj ža kolkaści, što i ŭ ludziej, jakija pierachvareli na COVID-19. Pry hetym u tych, chto atrymlivaŭ vialikuju dozu, antyciełaŭ u arhaniźmie da zakančeńnia vyprabavańniaŭ było vyjaŭlena našmat bolš, čym u pacyjentaŭ z karanavirusam paśla lačeńnia.
Akramia Moderna vyprabavańni vakcyny ŭ ZŠA viaduć kampanii Inovio Pharmaceuticals i Pfizer, jakaja supracoŭničaje z hiermanskaj kampanijaj Biontech, adznačaje tass.ru. Bujny vytvorca farmaceŭtyčnych srodkaŭ Johnson & Johnson płanuje pačać vyprabavańni svajoj vakcyny ŭ vieraśni.
