U Minsku vyznačyli miescy, dzie zabaronieny zbor podpisaŭ za kandydataŭ u prezidenta
Minharvykankam vyznačyŭ miescy, dzie zabaroniena pikietavańnie z metaj zboru podpisaŭ vybarščykaŭ dla vyłučeńnia kandydataŭ u prezidenty Biełarusi, paviedamlajuć «Minsk-naviny».
Tak, pikietavańnie zabaroniena:
— na abjektach mietrapalitena, čyhunačnaha i pavietranaha transpartu, mastach i puciepravodach, prajeznaj častcy aŭtamabilnych daroh, a taksama ŭ padziemnych piešachodnych pierachodach;
— na terytoryi Kastryčnickaj płoščy, płoščy Niezaležnaści, płoščy Pieramohi, płoščy Dziaržaŭnaha ściaha, Pryvakzalnaj płoščy i płoščy Jakuba Kołasa;
— na adlehłaści mienš za 200 m ad budynkaŭ rezidencyj prezidenta, Nacyjanalnaha schodu, Savieta Ministraŭ;
— na adlehłaści mienš za 50 m ad budynkaŭ respublikanskich orhanaŭ dziaržkiravańnia, miascovych pradstaŭničych, vykanaŭčych i rasparadčych orhanaŭ, dyppradstaŭnictvaŭ i konsulskich ustanoŭ, sudoŭ, orhanaŭ prakuratury, terytoryj arhanizacyj, jakija zabiaśpiečvajuć abaranazdolnaść i biaśpieku dziaržavy.
U administracyi źviartajuć uvahu na toje, što pikietavańnie možna pravodzić u dazvolenych miescach z 8:00 da 22:00. Pastanova ŭstupaje ŭ siłu z 21 maja (kali pačynajecca zbor podpisaŭ) i dziejničaje pa 19 červienia ŭklučna.
Kamientary