Sinoptyki: Ciapło vierniecca tolki ŭ apošnija dni maja. Ale zaŭtra chaładeča dasiahnie piku
Ciopłaje nadvorje vierniecca ŭ Biełaruś u apošnija piać dzion maja, paviedamili BiełTA ŭ Hidramiecie.
Sinoptyki kažuć, što druhaja dekada maja ŭ Biełarusi była na 2-6 hradusaŭ chaładniejšaj za zvyčajnuju. Apošni raz tak chałodna było ŭ 2004 hodzie.
U piatnicu, 22 maja, chałodnaje nadvorje dasiahnie svajho piku. Projduć karotkačasovyja daždžy, unačy i ranicaj jany miescami pačnuć pierachodzić u mokry śnieh. Unačy budzie +1—6, udzień — +7—13.
«Takija tempieraturnyja pakazčyki prypadajuć na pieršuju dekadu krasavika, heta značyć, pa nadvorji my budziem adkinuty na 1,5 miesiaca tamu», — adznačajuć sinoptyki.
U subotu pieravažna biez apadkaŭ. Unačy +1—6, pa zachadzie zamarazki da minus 3. Udzień budzie +10—16, tolki ŭ vakolicach Bresta i Małaryty, dzie mała vobłakaŭ, sonca prahreje pavietra da plus +17—20.
Pačynajučy ź niadzieli, situacyja ŭ šmatkiłamietrovaj toŭščy atmaśfiery pačnie pastupova mianiacca.
Paŭnočnyja viatry źmieniacca zachodnimi, i nadvorje ŭ Biełarusi buduć vyznačać frantalnyja sistemy i pavietranyja masy, što iduć z terytoryi Zachodniaj Jeŭropy. Pastupova źniknie pahroza zamarazkaŭ, a tempieraturny fon vierniecca ŭ svaju majskuju normu.
U niadzielu, 24 maja, udzień +10—17.
U paniadziełak udzień na bolšaj častcy terytoryi krainy projduć karotkačasovyja daždžy, miescami navalnicy. Unačy +3—9, udzień — +12—19.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary