Ministerstva antymanapolnaha rehulavańnia i handlu vyjaviła raspaŭsiudžvańnie na biełaruskich telekanałach u prahramach navin rekłamy TAA «Jeŭrahandal», jakaja źmiaščaje infarmacyju pra nizkija ceny ŭ kramach sietki i ich paraŭnańnie z cenami na tavary, jakija realizujucca ŭ kramach inšych handlovych sietak.
U adpaviednaści z zakonam «Ab rekłamie», vykarystańnie słoŭ u najvyšejšaj stupieni ci inšych słoŭ, jakija stvarajuć uražańnie pra pieravahu tavaru pierad inšymi tavarami, kali ich niemahčyma paćvierdzić dakumientalna, źjaŭlajecca niadobrasumlennaj rekłamaj. Akramia taho, nieetyčnaj źjaŭlajecca rekłama, jakaja źmiaščaje paraŭnańnie rekłamujemaha tavaru z tavaram inšaj arhanizacyi (abo inšaha hramadzianina), rekłamujemaj arhanizacyi ź inšaj arhanizacyjaj. Niadobrasumlennaja i nieetyčnaja rekłama pryznajecca nienaležnaj.
Ministerstva zapytała ŭ TAA «Jeŭrahandal» piśmovyja tłumačeńni, ukazanuju rekłamu i inšyja dakumienty i materyjały, nieabchodnyja dla praviadzieńnia razboru.
