Amierykanskija miedyki pakazali, što supraćmalaryjnyja preparaty, u pryvatnaści — chłarachin, pavialičvajuć ryzyku śmierci ŭ pacyjentaŭ z COVID-19. Hetyja mietady lačeńnia, imavierna, nie dapamahajuć pacyjentam, špitalizavanym z novym karanavirusam. Daśledavańnie źjaviłasia ŭ časopisie Lancet.
U chodzie analizu byli daśledavany vyniki špitalizacyi 96 032 špitalizavanych pacyjentaŭ, 14 888 ź jakich atrymlivali tyja ci inšyja formy supraćmalaryjnaha lačeńnia chłarachinam i hidraksichłarachinam na praciahu čatyroch miesiacaŭ. Danyja pacyjentaŭ uziali z 671 balnicy.
U vyniku aŭtary nie zmahli znajści pieravahi ŭ tych, chto atrymaŭ lačeńnie, u paraŭnańni z tymi, chto nie atrymaŭ nivodnaj z kambinacyj. Zamiest hetaha daśledavańnie pakazała pavieličeńnie častaty sardečnych skaračeńniaŭ u tych, chto prymaŭ leki.
U vyniku tyja, chto prymaŭ leki, mieli bolšuju ryzyku śmierci ŭ paraŭnańni z tymi, chto nie prymaŭ chłarachin i padobnyja preparaty.
Suśvietnaja arhanizacyja achovy zdaroŭja prypyniła vyprabavańni hetych preparataŭ suprać karanavirusa paśla źjaŭleńnia hetaj publikacyi ŭ navukovym časopisie.
