Navukoŭcy nazvali dzikich žyvioł, jakija ryzykujuć zarazicca karanavirusam
Nasielniki akijanaryumaŭ, u tym liku kitapadobnyja, mohuć zarazicca karanavirusam ad ludziej, paviedamiła ria.ru bijołah, udzielnik kanfierencyj kanviencyj AAN u halinie achovy žyvioł i bijaraznastajnaści Maryja Varancova.
«Vyrašyli zrabić skryninh žyvioł, kab zrazumieć, na jakija vidy virus moža pieraskočyć. Navukoŭcy vyśviatlajuć, u kletkach jakich žyvioł jość receptary, na jakija virus moža pieraskočyć. Paraŭnalna niadaŭna było vydzielena 40 vidaŭ žyvioł pa struktury kletak, na jakija virus moža sieści i moža ich zarazić. U pryvatnaści, heta ŭsio zubatyja kity: delfiny, białuchi, kasatki, narvały, a taksama ciuleni. U hrupu ryzyki trapili i čałaviekapadobnyja małpy. Tamu ciapier abaraniajuć harył u Afrycy, kab nie było pieradačy virusa», — skazała Varancova.
Jana taksama dadała, što va ŭmovach akijanaryuma niebiaśpieka padchapić virus ad čałavieka ŭ žyvioł značna pavialičvajecca. Akramia taho, mahčymaja i zvarotnaja pieradača.
«Kali viarnucca da žyvioł, to, naprykład, kasatki— žyvioły vielmi dalikatnyja i lohka zaražajucca ad čałavieka», — skazała Varancova.
Kamientary