28 maja pravasłaŭnyja vierniki śviatkujuć Ušeście Haspodniaje — adno ź vialikich dvunadziasiatych śviataŭ, jakoje zaŭsiody prypadaje na čaćvier, sarakavy dzień paśla Vialikadnia.
Ličycca, što śviata było ŭstalavana jašče ŭ apostalskija časy. Jano źviazana ź jevanhielskimi padziejami, što adbylisia ŭśled za Uvaskrasieńniem Chrysta.
Syn Božy źjaviŭsia svaim apostałam, błasłaviŭ i abviaściŭ, što na ich pasłany Duch Śviaty i z hetaha času jany buduć prapaviedavać chryścijanstva paŭsiul. Paśla hetaha ŭźniośsia na nieba.
Ličycca, što Ušeście Chrysta adkryła praviednym dušam šlach u raj. Hetaje vialikaje śviata daje viernikam nadzieju na toje, što šlacham samaadračeńnia i ačyščeńnia jany zmohuć nablizicca da Boha.
Ušeście simvalizuje zaviaršeńnie vielikodnaha cykła.
U hety dzień carkoŭnaja słužba amal dakładna paŭtaraje vielikodnuju, a napiaredadni vierniki źbirajucca na ŭsianočnaje tryvańnie.
Našy prodki vieryli ŭ toje, što na Ušeście možna vymalić u Boha lubuju prośbu.
Ušeście ličyli vyznačalnym u dačynienni da nadvorja: «Jak nie budzie daždžu na Ušeście — dyk nie budzie šeść tydniaŭ». Taksama ličyłasia, što na Ušeście ptuški zamaŭkajuć i adcvitajuć sady.
Kamientary