Kampanija Microsoft vypuściła maštabnaje abnaŭleńnie dla apieracyjnaj sistemy Windows 10. Novaja viersija atrymała nazvu Windows 10 May 2020 Update, paviedamlaje ria.ru sa spasyłkaj na partał The Verge.
Hałoŭnymi ŭ majskim abnaŭleńni stali Windows Subsystem for Linux 2 (WSL 2) — druhaja viersija Linux-padsistemy dla Windows z kastomnym Linux-jadrom — i palapšeńni, źviazanyja z hałasavoj pamočnicaj Cortana. Intehracyja Linux spraščaje žyćcio raspracoŭščykam i značna pavyšaje pradukcyjnaść padsistemy ŭ Windows 10. U nastupnych apdejtach kampanija abiacaje dadać padtrymku hrafičnaha interfiejsu dla dadatkaŭ i aparatnaha paskareńnia hrafiki.
Akramia taho, dla ŭstalavańnia apieracyjnaj sistemy zaraz nie spatrebicca nazapašvalnik z vobrazam Windows 10 abo reziervovaja kopija, pakolki zahruzić jaje možna budzie z vobłaka.
Taksama raspracoŭščyki źnizili nahruzku na dyski i pracesar pry indeksacyi fajłaŭ i likvidavali prablemy z pradukcyjnaściu pošuku.
Usie nieabaviazkovyja abnaŭleńnia sabranyja ŭ mieniu «Pahladzieć nieabaviazkovyja abnaŭleńni», jakoje znachodzicca ŭ»Centry abnaŭleńniaŭ Windows». Karystalnik sam moža vybrać što mienavita jamu treba jašče ŭstalavać dla pracy.
Akramia taho, u novaj Windows 10 źmiaščajecca novy drajvier dyspleja, jaki palapšaje pradukcyjnaść u hulniach.
Windows 10 May 2020 Update možna budzie spampavać u bližejšyja niekalki tydniaŭ praz «Centr abnaŭleńnia Windows» biaspłatna.
Kamientary