U Rasii palicyja nakryła siektu «hramadzian SSSR»: im pahražaje da šaści hadoŭ
U Paŭnočnaj Asiecii palicejskija nakryli siektu «Hramadzian SSSR». Ašukancy z hetaj arhanizacyi pierakonvali svaich adeptaŭ, što paśla ŭstupleńnia ŭ «Saviecki Sajuz» jany zmohuć nie płacić padatki i nie apłačvać kamunalnyja rachunki, piša lenta.ru.
Afierysty pradali bolš za tysiaču paśviedčańniaŭ asoby. Akramia taho, ašukancy paabiacali davierlivym hramadzianam nadbaŭki da zarobkaŭ i kampiensacyi pa ŭkładach, jakija byli adkryty raniej 1991 hoda. Dla atrymańnia «naležnych» płaciažoŭ adeptaŭ prymušali addavać pošliny na karyść siekty.
Ni ad jakich płaciažoŭ «Hramadzianie SSSR» svaich achviar nie vyzvalili, a naadvarot, uvahnali ich u daŭhi. Pra padman žychary stali padazravać tolki kali ŭ ich damach za niavypłatu adklučyli śviatło i vadu.
Apieratyŭniki znajšli ŭ ofisie afierystaŭ roznyja błanki savieckaha ŭzoru, a taksama šmat najaŭnych hrošaj. Ciapier złamyśnikam pahražaje da šaści hadoŭ pazbaŭleńnia voli.
Kamientary