BNF nie padtrymaje nikoha z kandydataŭ na prezidenckich vybarach, a pazicyju ŭdzielnikaŭ prajmieryz tam nazvali pamyłkovaj
Upieršyniu ŭ historyi prezidenckich vybaraŭ u Biełarusi najstarejšaja apazicyjnaja partyja ihnaruje vybarčuju kampaniju. Jak skazaŭ Svabodzie staršynia Partyi BNF Ryhor Kastusioŭ, zhodna z pastanovaj Sojma pryniata rašeńnie nie ŭdzielničać u prezydenckich vybarach 2020 hoda.
Partyja nie padtrymaje i svaich sajuźnikaŭ pa pravacentrysckaj kaalicyi, jakija zarehistravali inicyjatyŭnyja hrupy dla zboru podpisaŭ.
Pavodle Ryhora Kastusiova, pazicyja sustaršyni BCHD Volhi Kavalkovaj, staršyni ruchu «Za svabodu» Jurasia Hubareviča, lidara AHP Mikałaja Kazłova źjaŭlajecca «dziŭnaj i pamyłkovaj».
Tym nia mienš, adznačyŭ palityk, Partyja BNF nie budzie zaminać svaim siabram, jakija dałučylisia da inicyjatyŭnych hrup pretendentaŭ na vysokuju pasadu i ciapier źbirajuć za ich podpisy. Heta samastojnaje rašeńnie kožnaha, udakładniŭ jon.
Kamientary