Da piaci čałaviek, ekzamienatary ŭ maskach — Minadukacyi abiacaje padčas vypusknych ekzamienaŭ zabiaśpiečyć usie sanepidpatrabavańni
Minadukacyi zaznačaje, što pry praviadzieńni vypusknych ekzamienaŭ buduć vykananyja ŭsie sanepidpatrabavańni, paviedamlaje viedamastva ŭ svaim telehram-kanale.
Praduhledžvajecca ŭ miescach praviadzieńnia vypusknych ekzamienaŭ najaŭnaść antysieptykaŭ i srodkaŭ indyvidualnaj abarony;
— arhanizavać praviadzieńnie vypusknych ekzamienaŭ u pamiaškańniach vialikich płoščaŭ i zabiaśpiečyć ich naležny sanitarny stan: staranna vymytyja kabiniety i meblu ŭ ich (party najpierš), pravietranyja kabiniety i inš.;
— zabiaśpiečyć rassadku ŭ navučalnych kabinietach pa adnym vučni za partaj (abo praduhledzieć dzialeńnie kłasa na dźvie hrupy dla rassadžvańnia ŭ dvuch kabinietach);
— pry praviadzieńni ekzamienaŭ u vusnaj formie, kab paźbiehnuć vialikaj kolkaści navučencaŭ, skłaści hrafik prychodu navučencaŭ na ekzamien (možna, naprykład, papiarednie raźbić na hrupy pa 5 čałaviek);
— vyklučyć znachodžańnie ŭ navučalnych kabinietach (pamiaškańniach), dzie pravodziacca vypusknyja ekzamieny, starońnich ludziej (znachodziacca tolki členy ekzamienacyjnaj kamisii);
— členam ekzamienacyjnaj kamisii rekamiendavana vykonvać masačny režym padčas praviadzieńnia ekzamienu.
Kamientary