Orda pierakonvaje hramadstva, što narod usio ž padpisvajecca za Łukašenku
U telehram-kanałach publikujucca dziasiatki śviedčańniaŭ ab tym, što kiraŭnictva dziaržaŭnych ustanoŭ i pradpryjemstvaŭ prymušaje supracoŭnikaŭ padpisvacca ŭ padtrymku Alaksandra Łukašenki.
Pikietaŭ u padtrymku kiraŭnika krainy zusim nie vidać, pachody pa kvaterach adzinkavyja — ale ŭžo za pieršyja paru dzion nibyta było sabrana 200 tysiač podpisaŭ.
Staršynia Fiederacyi prafsajuzaŭ Michaił Orda, jaki ŭznačalvaje vybarčy štab Alaksandra Łukašenki, vyrašyŭ dać adkaz u svaim fejsbuku.
«U dzień pačatku zboru podpisaŭ na «Našaj Nivie» źjaviŭsia cikavy artykuł pra toje, jak u niezaležnyja ŚMI źlivajucca fejkavyja naviny. Schiema da banalnaha prostaja. Na kalency fabrykujecca nibyta aficyjny list ab prymusovym uklučeńni ludziej u inicyjatyŭnuju hrupu dziejnaha prezidenta. Naturalna, na pavierku ŭsie proźviščy i imiony akazvajucca vydumanymi, jak i fakt prymusovaha ŭklučeńnia ŭ hrupu.
Čytajcie taksama: Jak pravakatary zakidvajuć fejki ŭ niezaležnyja miedyja — kankretny prykład
Siońnia ŭspomniŭ hety artykuł, pakolki z kožnym dniom padobnych fejkaŭ stanovicca ŭsio bolš. Nivodnaha realnaha imia. Zatoje kolki emocyj!
Praviarajem takija ŭkidy. Na siońnia — nivodnaha realnaha fakta. Padobna da taho, što chtości prosta adpracoŭvaje hrošy.
Spadary, moža chopić? U našaj krainie ludzi padpisvajucca za vyłučeńnie dziejučaha prezidenta. Heta — fakt», — napisaŭ kiraŭnik štaba Łukašenki.
Kamientary