«Jany telefanujuć načalstvu, im kažuć: «Šukajcie dalej» Jak prachodzić vobšuk na dačy maci Cichanoŭskaha
Z 15 hadzin da poźniaj nočy išoŭ vobšuk na leciščy maci Siarhieja Cichanoŭskaha. Jahony siabar Ihar znachodzicca tam, piša Radyjo Svaboda.
«Prajšło ŭžo try ahlady. Źmianili try razy paniatych. Načalnik niejki pryjechaŭ i pytajecca: «Znajšli zabaronienyja rečyvy?» — raspavioŭ Svabodzie Ihar.
«Niešta ŭsio šukajuć, nijak nie mohuć znajści. Užo try pratakoły napisali, uvieś dom ahledzieli try razy, uvieś dvor — łaźniu, chlavy, prybiralniu. Jany telefanujuć načalstvu, im kažuć: «Šukajcie dalej», — znoŭ niešta šukajuć», — zaznačyŭ siabar Cichanoŭskaha.
Pavodle jaho, na leciščy śledčyja znajšli šmat dakumientaŭ, jakija tyčacca dziejnaści Siarhieja Cichanoŭskaha jak pradprymalnika. «Zabrali bolš za 200 tečak z dakumientami, pryčym nie apisvali, što tam, hrebli ŭsio zapar. Tam papiery z 2003, 2006 hoda. Nie viedaju, dla čaho jon ich zachoŭvaŭ. Zabrali racyi — takija amal dziciačyja, prymityŭnyja, jany vykarystoŭvalisia na placoŭcy daŭno, kali Siarhiej zdymaŭ rekłamnyja roliki», — dadaŭ Ihar.
Śledčyja kanfiskavali pnieŭmatyčny aŭtamat i buduć vyśviatlać, ci zakonna Siarhiej jaho trymaŭ. Bo pavodle zakonu aŭtamaty, jakija majuć da 7,5 džoŭlaŭ dulnaj enierhii možna trymać doma biez rehistracyi ŭ milicyi, što zvyš 7,5 džoŭlaŭ — nieabchodna rehistravać.
Ihar kaža, što maci Siarhieja siabie niadobra adčuvaje, u jaje chvoraje serca, prasiła śledčych užo pajechać u Homiel — tam u jaje leki. «Śledčyja skazali, što majuć prava nočču pravodzić svaje dziejańni, kali heta terminova», — kaža siabar Cichanoŭskaha.
Z pastanovy na vobšuk vynikaje, što Cichanoŭski prachodzić padazravanym u kryminalnaj spravie pa artykule 364 Kryminalnaha kodeksa — hvałt u dačynieńni da supracoŭnikaŭ milicyi.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary