Ad pnieŭmanii pamierła miedsiastra, jakaja brała analizy ŭ pryvatnym miedcentry ŭ Minsku
40-hadovaja Ała Hryharevič pamierła 24 krasavika. Jana žyła ŭ vioscy Michanavičy ŭ Minskim rajonie, a pracavała ŭ miedcentry «Invitra» ŭ Minsku, piša Radyjo Svaboda.
Ała pracavała staršaj miedsiastroj, brała analizy ŭ miedcentry, u jaho šmat ofisaŭ u Minsku.
Jana zachvareła na pačatku krasavika, lažała doma z vysokaj tempieraturaj. 15 krasavika trapiła ŭ špital, a 24-ha pamierła. U paśviedčańni ab śmierci napisana, što ŭ Ały Hryharevič była dvuchbakovaja pnieŭmanija, a karanavirus u jaje paćvierdžany nie byŭ. Pra heta Svabodzie skazaŭ jaje muž Siarhiej.
«My nie viedajem, dzie Ała mahła zarazicca», — skazaŭ Siarhiej.
Amal praz dva tydni paśla taho, jak pačała chvareć Ała, u jejnaj dački padniałasia tempieratura. Kampjutarnaja tamahrafija paćvierdziła dvuchbakovuju pnieŭmaniju. A potym jašče i test na karanavirus akazaŭsia stanoŭčym.
«Dačka na toj čas vučyłasia z domu, nikudy nie vychodziła. Zarazicca ni ad koha nie mahła, tolki ad žonki. Ale ž u jaje test byŭ admoŭny. Mnie potym raskazali, što takoje byvaje», — skazaŭ Siarhiej.
Pa jaho słovach, ni na pracy, ni ŭ carkvie, kudy jon chadziŭ razam z Ałaj, karanavirus nie vyjavili.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary