CVK adchiliła ŭsie skarhi Babaryki, zdymać z vybaraŭ Łukašenku admoviłasia
Centralnaja vybarčaja kamisija Biełarusi na svaim pasiadžeńni 4 červienia na ŭsie skarhi Viktara Babaryki adkazała admovaj, paviedamlaje Radyjo Svaboda.
Nahadajem, u paniadziełak Viktar Babaryka zaklikaŭ admović u rehistracyi kandydatam Alaksandra Łukašenki abo vynieści jahonaj hrupie papiaredžańnie.
Za toje, kab pryznać skarhi Babaryki nieabhruntavanymi, čalcy kamisii prahałasavali adzinahałosna.
Jarmošyna adznačyła, što jurysty CVK ciapier pracujuć amal tolki na hrupu Babaryki. Zajavy jašče da pryniaćcia rašeńnia CVK nazvała «ŭkidami».
Sakratarka CVK Alena Dmuchajła zajaviła, što pravieryli skarhi Babaryki, ale «praviarali niepraviaralnaje» — pieradusim adznačyli, što ŭ bolšaści vypadkaŭ proźviščy tych, chto zajaŭlaŭ pra parušeńni, nie vyjavili.
Ab centralizavanym zbory podpisaŭ u BDU Dmuchajła adznačyła, što nieviadoma, «chto kamu što skazaŭ». Nivodzin z punktaŭ nie paćvierdziŭsia, śćviardžaje jana.
Tak, «pa vynikach pravierki» vyśvietliłasia, što ŭ BDU nibyta źbirali podpisy za Łukašenku pa miescy pracy źbiralnikaŭ podpisaŭ u niepracoŭny čas. Pra pahrozy supracoŭnikam škoły za admovu źbirać podpisy za Łukašenku Dmuchajła adznačyła, što niezrazumieła, chto pahražaŭ i h.d.
Padobnyja tłumačeńni Dmuchajła dała i nakont inšych skarhaŭ: pravierki pakazali, što ŭsio było zakonna i prymusu nie było, abo što niemahčyma vyśvietlić, pra kaho idzie havorka, abo zadavolilisia tłumačeńniami administracyjaŭ ustanoŭ. Vykładčyki VNU nie adnosiacca da administracyi VNU, dadała Dmuchajła, tamu i pra cisk z boku administracyi kazać nielha.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary