Vykładčykaŭ Połackaha ŭniviersiteta prymušajuć prybirać turbazu. Kiraŭnictva: Heta pa žadańni i ŭ pracoŭny čas
U Połackaha dziaržaŭnaha ŭniviersiteta jość vučebna-navukovaja baza «Mara» la voziera Čornaje (Połacki rajon). Zvyčajna tam prachodziać praktyku studenty.
«Ciapier vyrašyli prystasavać hetuju turystyčnuju bazu dla taho, kak zdavać turystam u arendu. Adpaviedna, patrebna pryvieści domiki i terytoryju da naležnaha vyhladu.
Z hetaj metaj prymusova pryciahnuli vykładčykaŭ kafiedr, matyvujučy heta tym, što zaraz leta, pracy niašmat, a hrošy jany atrymlivajuć, i tamu niachaj adpracoŭvajuć. Kožny, kamu nie paščaściła, musić adpracavać try dni», — paviedamili «Našaj Nivie».
Niekatoryja aburany takim padychodam — pryborka terytoryi nie ŭvachodzić u prafiesijnyja abaviazki vykładčykaŭ.
«Administracyja ekanomić hrošy, vykarystoŭvajučy prymusovuju pracu zamiest taho, kab naniać śpiecyjalnych ludziej», — narakajuć ludzi.
U Połackim dziaržuniviersitecie kažuć, što nikoha da dobraŭparadkavańnia prymusova nie pryciahvajuć — ŭsio pa žadańni.
«Jość zahad, my dziejničajem zhodna ź im. Zarobak płaciać usim. Dobraŭparadkavańnie było arhanizavana ŭ vyhladzie subotnika, nie ŭ pazarabočy, a ŭ rabočy čas», — prakamientavała prarektar pa vučebnaj častcy Połackaha dziaržaŭnaha ŭniviersiteta Nadzieja Barejka.
Jana dadała, što baza la voziera budzie zdavacca ŭ arendu ŭ tym liku supracoŭnikam VNU.
Kamientary