Alaksandr Łukašenka robić 12 červienia rabočuju pajezdku ŭ Połack, dzie płanavałasia abmiarkoŭvać reformy ŭ ŽKH, ale ŭ časie razmovy z čynoŭnikami jon zakranuŭ i temu vybaraŭ. Frahmient jaho vystupu pakazali padčas vypusku navin na «Biełaruś-1», piša Tut.by.
— Ja kalicci, sustrakajučysia z kiraŭnikom svajoj inicyjatyŭnaj hrupy [kiraŭnikom Fiederacyi prafsajuzaŭ Michaiłam Ordam], paprasiŭ praciahvać zbor podpisaŭ, choć ich tam užo paŭtara miljona sabrana. Dziakuj ludziam, jakija padpisalisia, — skazaŭ Łukašenka.
Pavodle jaho słoŭ, praciah zboru podpisaŭ źviazany nie z tym, što podpisaŭ nie chapaje, a z tym, što dziakujučy hetamu ŭłady atrymlivajuć «vielizarny masiŭ infarmacyi źnizu — pra toje, što tam adbyvajecca».
— Usia jana analizujecca, i asnoŭnyja pytańni, jakija chvalujuć ludziej, vykryštalizoŭvajucca — i na stoł prezidentu, — dadaŭ jon.
Łukašenka adznačyŭ, što ŭ pieradvybarčy pieryjad lubaja zajava, dziejańnie, kroki prezidenta ciapier razhladajucca «alternatyŭščykami» pad pavieličalnym škłom, usiudy šukajuć padvodnyja kamiani.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla6
Kamientary