Zatrymanyja 15 mieniedžaraŭ, źviazanych ź Biełhazprambankam. Śćviardžajecca, što ŭ ich znojdziena 4 miljony dalaraŭ
Padčas pieratrusu ŭ Biełhazprambanku kanfiskavana 4 miljony dalaraŭ, zatrymanyja namieśniki kiraŭnika banka, top-mieniedžary i kiraŭniki pryvatnych struktur. Pra heta siońnia žurnalistam paviedamiŭ staršynia KDK Ivan Cierciel, pieradaje BiełTA.
Ciapier zatrymanyja 15 čałaviek. «Heta top-mieniedžary, u tym liku namieśniki kiraŭnika banka, kiraŭniki roznaha ŭzroŭniu, a taksama pradstaŭniki kamiercyjnych struktur (u asnoŭnym byłyja supracoŭniki banka)», — dadaŭ Ivan Cierciel.
Bolšaść zatrymanych supracoŭničajuć sa śledstvam, dajuć pryznalnyja pakazańni. «Akramia taho, jany vydajuć srodki, jakija, na ich dumku, byli atrymany złačynnym šlacham. Naprykład, učora nami padčas śledčych mierapryjemstvaŭ kanfiskavana bolš za $4 miljony, vyjaŭlenyja i kanfiskavanyja kaštoŭnyja papiery na sumu zvyš $500 tysiač, vyjaŭlenyja i dałučany da materyjałaŭ tak zvanyja dzihipasy (instrumient, jaki dazvalaje kiravać rachunkami ŭ zamiežnych bankach)», — skazaŭ staršynia KDK.
Kamientary