Supracoŭniki Savieckaha RAUS horada Minska siońnia, 12 červienia, zabrali ŭ kurjera kramy symbal.by Maksima Bliźniukoviča 419 cišotak z nadpisam «PSICHOZ%», paviedamlaje Pavieł Biełavus, kiraŭnik kramy.
U 18:10 kurjera kramy Symbal.by Maksima Bliźniukoviča spynili supracoŭniki DAI na praśpiekcie Mašerava za 100 mietraŭ ad kramy dla pravierki dakumientaŭ. Jany skazali, što taki ž jak u jaho aŭtamabil prachodzić pravierku ŭ vyniku niejkaha darožnaha zdareńnia, i paprasili prajechać u Saviecki RAUS.
Na terytoryi Savieckaha RAUS pačali praviarać mašynu i źviarnuli ŭvahu na skrynki, u jakich lažali cišotki «PSICHOZ%». Kurjer vioz ich z vytvorčaści ŭ kramu.
Milicyjaniery skazali, što im treba zabrać hetyja cišotki na pravierku i skłali pratakoł vymańnia. Kopij pratakoła nie dali i skazali čakać.
Pavieł Biełavus, dyrektar kramy ŭ 19:30 padjechaŭ u Saviecki RAUS dla raźbiralnictva. Jamu taksama nie dali nijakich pratakołaŭ i dakumientaŭ i skazali čakać.
U kurjera byli ŭsie patrebnyja nakładnyja.
«Prosim prabačeńnia va ŭsich klijentaŭ, jakija čakajuć svaich zamoŭ. Heta ŭsio PSICHOZ%», — piša Biełavus.
Kamientary