Kiraŭnik BRSM: U palitycy sprabujuć vykarystać moładź u svaich metach
Pra heta kiraŭnik BRSM Dźmitryj Varaniuk napisaŭ na svajoj staroncy «UKantakcie», sprabujučy analizavać apošnija padziei.
«My z vami pieražyvajem važny i adkazny pieryjad. U hety čas ad kožnaha z nas zaležyć, jakoj budzie budučynia jaho krainy, jaho siamji, usioj Biełarusi. Upeŭnieny, kožny choča bačyć hetuju budučyniu nadziejnaj i biaśpiečnaj. I jana sapraŭdy zaležyć ad kožnaha z nas. Ad našaha sprytu, viedaŭ, umieńniaŭ, rozumu», — piša Varaniuk.
Kiraŭnik BRSM miarkuje, što ŭ palitycy sprabujuć vykarystoŭvać moładź u svaich metach. «I paviercie, hetyja mety — nie na stvareńnie! Azirniciesia vakoł».
«U mnohich krainach moładzi była pryznačana rola «harmatnaha miasa», ich litaralna vyšturchoŭvali na vulicy i sutykali łbami z adnoj tolki metaj — pieradzialić uładu, a sami — ładzili bojniu, razburali dziaržavu, vyrakali ludziej na haleču, a časam, na bratazabojčuju vajnu. Zatym pra moładź ščasna zabyvali da nastupnaha pieradziełu ŭłady. Mietadyčka ŭsiudy adna i taja ž», — padkreślivaje lidar praŭładnaj moładzi.
«Ale heta — nie biełaruski šlach! Naša pakaleńnie, jak i papiaredniaje pakaleńnie, adroźnivajecca razvažlivaściu. Analizujcie. «Niezaležnyja» ŚMI — nie roŭna praŭdzie.
Apracavanyja fota, svoječasova abrezanaje videa i naviny ŭ styli «nam skazali» — časta ŭsiaho tolki manipulacyja. «Pryhožy» post ci siužet u sacsietkach moža pryciahnuć kolki zaŭhodna łajkaŭ, ale nie adkazać ni na adno pytańnie. Chajp i trendy syduć. A nastupstvy nieabdumanych rašeńniaŭ zastanucca», — miarkuje Varaniuk.
Kamientary