Va ŭčastkovyja vybarčyja kamisii, jakich u Biełarusi stvorana 5723, vyłučanyja 70 190 čałaviek. Ź ich bolš za tracinu — 25 354 čałavieki — nie ad pracoŭnych kalektyvaŭ abo hramadskich abjadnańniaŭ, a ad hrupy hramadzianaŭ šlacham padačy zajavy, piša Tut.by.
Va ŭčastkovyja kamisii, jakija vydajuć i źbirajuć biuleteni, a potym ličać hałasy, nahadajem, možna trapić tryma šlachami: ad hrupy hramadzian, ad pracoŭnaha kalektyvu i ad hramadskich abjadnańniaŭ.
Bolš za ŭsio čałaviek vyłučyłasia ad hramadskich abjadnańniaŭ — 38 114 čałaviek, na druhim miescy ad hrupy hramadzianaŭ šlacham padačy zajaŭ — 25 354 čałavieki, na apošnim — ad pracoŭnych kalektyvaŭ vyłučylisia 6722 čałavieki.
Ad hramadskich abjadnańniaŭ bolš za ŭsio čałaviek vyłučana ad prafiesijnych sajuzaŭ, jakija ŭvachodziać u Fiederacyju prafsajuzaŭ Biełarusi —9537 i ad Biełaj Rusi — 4661 čałaviek.
Ad partyj bolš za ŭsio čałaviek vyłučana Respublikanskaj partyjaj pracy i spraviadlivaści — 1294 čałavieki, Kampartyjaj — 967 čałaviek, Biełaruskaj ahrarnaj partyjaj — 576 čałaviek. Partyja BNF vyłučyła ŭ kamisii 109 čałavieki, AHP - 212, BSDP (Hramada) — 212, a BSDH — 6. Usiaho adzin čałaviek vyłučyŭsia ad Biełaruskaj patryjatyčnaj partyi.
Ciapier čytajuć
«Tok» ź Sieviaryncam: pra znajomstva ź Cichanoŭskim, prychod Kaleśnikavaj, staŭleńnie da Babaryki i pretenzii Zianona Paźniaka9
Kamientary