Za hady suvierennaha raźvićcia Biełaruś zrabiła vielizarny krok napierad u raźvićci roznych halin. Ab hetym Łukašenka zajaviŭ siońnia na sustrečy z aktyvam Bresckaj vobłaści, pieradaje BiełTA.
«Pravilna kažuć: vialikaje bačycca na adlehłaści. Za hady suvierennaha raźvićcia my zrabili vielizarny krok napierad u pramysłovaści, sielskaj haspadarcy, technałohijach, sacyjalnaj śfiery. Na prykładzie Brestčyny heta vidać asabliva. Siońnia niekatoryja z tych, chto ŭ vas tut sprabuje pastavić heta pad sumnieńnie, muciać vadu, havorać ab stračanych hadach. Ab tym, što z hetaj uładaj my nibyta zajšli ŭ tupik, što kruhom adny prablemy. Da hetaha treba stavicca z razumieńniem. Moža, navat spakojna. Heta naturalna, idzie palityčnaja baraćba. Ale ličby ž nie padmanieš. A jany krasamoŭna śviedčać pra advarotnaje», — zajaviŭ Łukašenka.
