Łukašenka — bresckim aktyvistam: Vy ŭžo napisali na majkach «Saša 3%». Vy choć sami vierycie, što ŭ prezidenta 3%?
Łukašenka na sustrečy z aktyvistami ŭ Breście vykazaŭsia nakont apošnich aktualnych padziej
«Vy supakojciesia, kali ŭ vas jość niejkija prablemy, vy ich raskažycie. Pasłuchajcie, akramia mianie ich nichto nie vyrašyć, i toj ułady, jakaja siońnia jość. Heta vy «Saša 3%» užo napisali na majkach. Nu vy choć vierycie, što ŭ dziejnaha prezidenta 3%? Dy voś u hetaj alternatyŭnaj kampanii ja i to bolš nabiaru. Tamu nie treba nas tuzać, abražać, — papiaredziŭ jon. — «Vusaty tarakan», jašče niešta… Ja pakul jašče dziejny prezident. Ni ŭ adnoj krainie nie dazvolena abražać ludziej. Ja ž nikoha z vas nie abraziŭ asabista. A kali chočacie roznaha rodu žullo abaranić, vy abaraniajcie, ale tolki nie sa mnoj. Karupcyjanieram u krainie rabić niama čaho», — padkreśliŭ jon.
U pryvatnaści, jon zhadaŭ spravu Babaryki.
«Miecenat, karciny pryvioz dziaržavie. A nasamreč što vyjaviłasia? Heta ich karciny. A čamu my ich tut vymušanyja byli prychapić? A tamu, što jany pačali kancy ŭ vadu chavać, pačali vyvozić hrošy, karciny. Kali my ŭ bank pajšli, viedajecie, što znajšli ŭ jačejkach? Hrošy — heta nie hałoŭnaje. My znajšli fłeški, žorstkija dyski i mora infarmacyi. I hetaha bajacca ich haspadary», — raspavioŭ Alaksandr Łukašenka.
Kamientary