Pasłu Słavakii ŭ Biełarusi Jozafu Mihašu pamiežniki padaryli čaćvieranohaha siabra, paviedamlaje Pamiežny kamitet u svaim telehram-kanale.
Fota Pamiežnaha kamiteta
Sabaka pa mianušcy Zora (u pierakładzie — śvitańnie) čakaŭ svajho budučaha haspadara ŭ kinałahičnym centry orhanaŭ pahransłužby ŭ Smarhoni.
Jozef Mihaš unios značny ŭkład u raźvićcio i ŭmacavańnie družalubnych adnosin pamiž našymi krainami, i ciapier jon vierniecca na rodnuju ziamlu sa ščaniukom, padoranym u jakaści simvała mocnaha siabroŭstva Biełarusi i Słavakii.
Nahadajem, pasoł Słavakii ŭ Minsku Jozaf Mihaš uziaŭ udzieł va ŭračystaściach z nahody zakančeńnia vajny 9 maja ŭ Biełarusi. Kali ŭ MZS Słavakii pacikavilisia ŭ dypłamata, čamu jon adpraviŭsia na parad, Mihaš padaŭ u adstaŭku, jakaja była pryniataja. Jak raspavioŭ Mihaš presie, jaho ŭdzieł u paradzie byŭ pryncypovaj pazicyjaj. U MZS Słavakii paličyli, što pasoł parušyŭ pryncypy kamunikacyi sa štab-kvateraj.
Paźniej Łukašenka nazvaŭ zdareńnie mižnarodnym skandałam, a 15 červienia padpisaŭ ukaz ab uznaharodžańni dypłamata ordenam Skaryny.