Dziaržaŭny telekanał nazvaŭ akupacyju Čechasłavaččyny ŭ 1968-m «internacyjanalnaj dapamohaj»
Viciebskaja desantnaja bryhada prajšła hodny šlach, paviedamiŭ siońnia dziaržaŭny telekanał ANT. U pieraliku — «internacyjanalnaja dapamoha Čechasłavaččynie ŭ 1968-m i bai za afhanskija harady Kabuł i Bahram».
Miž tym čechi ličać 1968 hod akupacyjaj krainy. Tady vojski SSSR i jaho satelitaŭ uvarvalisia na terytoryju Čechasłavackaj Respubliki, adchilili ad ułady jaje kiraŭnictva na čale z Dubčakam i zamianili jaho na prasavieckaje na čale z Husakam. Kraina zastavałasia pad kantrolem SSSR da mirnaj revalucyi 1989 hoda.
Afhancy, zrešty, taksama ličać padziei 1979—1989 hadoŭ akupacyjaj. Tady saviecki śpiecnaz zabiŭ prezidenta krainy Amina i ŭziaŭ Afhanistan pad svoj kantrol, ale, sutyknuŭšysia z partyzanskim supraciŭleńniem, praz 10 hadoŭ pakinuŭ krainu. Na toj biassłaŭnaj vajnie zahinuła bolš za 700 biełarusaŭ.
Farmuloŭka «internacyjanalnaja dapamoha» ŭžyvałasia ŭ saviecki čas jak eŭfiemizm dla kałanijalnych pa svajoj sutnaści apieracyj.
Kamientary