Sustreča Śviatłany Cichanoŭskaj i štaboŭ Babaryki i Capkały z vybarcami stała samaj šmatludnaj za ŭsiu historyju prezidenckich kampanij u Biełarusi.
U 2006 hodzie na tym samym miescy Milinkievič sabraŭ mienš.
Što ludziej źbiarecca šmat, stała jasna jašče na padychodach. Ludzi ściakalisia ŭ park z usich bakoŭ.
Placoŭku zapoŭnili całkam, stajali i na łužku navokał.
Śviatłana Cichanoŭskaja i jaje paplečnicy Vieranika Capkała i Maryja Kaleśnikava nie prafiesijnyja palityki, nie mitynhavyja aratary. Ale ludzi prymali heta jak naležnaje. Vopleski im nie ścichali.
Ahułam, ludziej było niečakana šmat. Atmaśfiera nahadvała pačatak viasny 1996-ha.
Praŭda, tady ŭ pratestaŭ byŭ arhanizatar — Narodny Front. A ciapier jość tolki niezadavolenaja narodnaja stychija, jakaja abjadnałasia vakoł techničnaha kandydata va ŭmovach, kali ŭsie lidary źniavolenyja.
Ale mabilizacyja 19 lipienia pakazała, što staronku hetych vybaraŭ rana pierahortvać.
Fota Alaksandry Pilipovič-Suščyc.
18.18
Pamału ludzi pačynajuć razychodzicca.
18.15
U vystupie Kavalkovaj upieršyniu sa sceny prahučała proźvišča Łukašenki. Jana źviarnułasia da kiraŭnika dziaržavy sa słovami: my niekali vas abrali, ale vy nie apraŭdali davieru — sastupicie miesca maładym prafiesijnym kandydatam. Narod skanduje «Žyvie Biełaruś!» i «Sychodź!»
18.11
Na scenie tym časam vystupaje pa-biełarusku Volha Kavalkova. «Pieramieny ŭ krainie pačynajucca z kožnaha z vas», — kaža jana. «U hetym hodzie my ŭsie pakazali, što pieramoha budzie vielmi, vielmi chutka», — kaža jana.
Moładź pryjšła na sustreču z partretami źniavolenych baraćbitoŭ za svabodu. Fota Andreja Dyńko.
18.10
Cichanoŭskaja, Capkała i Kaleśnikava ŭ supravadžeńni ludziej sychodziać z płoščy.
18.07
Znoŭ havoryć Cichanoŭskaja. Dziakuje ludziam. «My idziom za novuju sumlennuju Biełaruś. Usia siła ŭ vas. Tolki razam my zmožam pabudavać krainu dla žyćcia», — kaža jana pad vopleski.
18.04
Vystupajuć pradstaŭniki inicyjatyvy «Sumlennyja ludzi». Jany padkreślivajuć jašče raz, što «na daterminoŭku» (daterminovaje hałasavańnie) iści nielha.
Fota Alaksandry Pilipovič-Suščyc.
«Biełarusy — sumlennyja ludzi, jakija prahnuć sumlennych vybaraŭ. Davajcie nie maŭčać, davajcie dziejničać! U dzień vybaraŭ».
18.01
Vystupy skončylisia. Častka ludziej sychodzić.
17.51
Vieranika Capkała zaklikaje pryjści 9 žniŭnia na vybarčyja ŭčastki i prahałasavać za Śviatłanu Cichanoŭskuju. Skažycie mamam, tatam, babulam, dziadulam, tłumačcie im sutnaść daterminovaha hałasavańnia ŭ našaj krainie. Admaŭlajciesia ad jaho, navat kali buduć prymušać na pracy, kaža jana.
Capkała zaklikaje zapisvacca naziralnikami na ŭčastki.
17.47
Vieranika Capkała. Fota Alaksandry Pilipovič-Suščyc.
Vieraniku Capkała ludzi sustrakajuć skandavańniem «Vie-ra-ni-ka!» Jana dziakuje ŭsim za padtrymku. «My hanarymsia tym, što źjaŭlajemsia častkaj vialikaha naroda, — kaža Capkała. — Vy nam dajacie siły, vy nam dajacie kryły!» — uźniosła havoryć jana.
Fota Alaksandry Pilipovič-Suščyc.
17.45
«Paśla pieramohi na vybarach my praviadziom novyja alternatyŭnyja vybary z udziełam Viktara Babaryki, Valeryja Capkały, inšych alternatyŭnych kandydataŭ», — kaža Kaleśnikava.
Maryja Kaleśnikava. Fota Alaksandry Pilipovič-Suščyc.
Hałoŭny vorah pieramohi nie režym, a strach, dadaje jana.
17.38
Internet na płoščy i ŭ vakolicach pracuje vielmi drenna, žyvyja tranślacyi ŭvieś čas pieraryvajucca.
Telehram-kanał Niechta apublikavaŭ fota ciomnaha mikraaŭtobusa, pryparkavanaha pobač z parkam. Pavodle aŭtaraŭ, jon mocna nahadvaje mašynu-hłušyłku dla radyjoelektronnaj baraćby.
17.35
Viadučy zaprašaje Maryju Kaleśnikavu sa štaba Viktara Babaryki. Natoŭp skanduje «Ba-ba-ry-ka!»
Kaleśnikava zapatrabavała vyzvaleńnia palitźniavolenych. Ludzi skandujuć «Sva-bo-du!».
17.32
«Pakul adzin viadomy ŭdzielničaje, a adna viadomaja ličyć, sumlennych vybaraŭ być nie moža», — kaža Cichanoŭskaja.
Jana zaklikaje baranić svoj vybar: «Narod padymie siabie z kanapaŭ i abaronić svaje hałasy».
17.26
Na scenu vyjšli Cichanoŭskaja, Capkała i Kaleśnikava. «Moj muž u SIZA, jon nie moža mianie padtrymać, ja dziakuju ŭsim vam za padtrymku», — kaža jana.
Śviatłana Cichanoŭskaja. Fota Alaksandry Pilipovič-Suščyc.
Jana kaža, što pahardžaje ŭładaj za toje, što taja baicca sumlennaj kankurencyi.
Čas ad času jaje vystup pieraryvajecca avacyjaj.
17.24
Da parka ruchajucca niesupynnyja łancuhi ludziej. Ravarysty jeduć z uklučanaj pieśniaj «Pieramien!» Iduć maładyja i staryja, iduć ź dziećmi, pieradaje karespandent NN.
17.15
Jak paviedamlaje karespandent NN, na placoŭcy zaraz kala 10 tysiač čałaviek. Niaspynnyja ludskija płyni ruchajucca ŭ kirunku mitynhu z usich bakoŭ.
17.07
Na scenu vychodzić muzyčny hurt Traviolin Legend — skrypačy, ź jakimi kamanda Cichanoŭskaj vypadkova sustrełasia ŭ Dziaržynsku i zaprasiła vystupić. Jany ihrajuć «Mury».
17.06
Pryjemna bačyć ludziej ź bieł-čyrvona-biełymi ściahami, kaža viadučy. Huk sa sceny vielmi dobry, usio čuvać. Jość navat surdapierakładčyca.
Za vystupoŭcami — ekran, na jaki tranślujucca piać pryncypaŭ kampanii.
17.02
Viadučy źviartajecca da natoŭpu pa-biełarusku: «Dobry viečar, šanoŭnaje spadarstva!»
Dalej pa-rusku pravodzić žartoŭnuju pierakličku i nahadvaje pra biaśpiečnuju dystancyju. Taksama jon zaścierahaje publiku ad abrazaŭ «davajcie nie budziem zhadvać nasiakomych» — kab nie padstavić Cichanoŭskuju.
Viadučy padkreślivaje, što mitynh — dazvoleny.
17.00
Nad natoŭpam — bieł-čyrvona-biełyja ściahi. Jość i dziaržaŭnyja.
Fota tut.by.
16.58
Na placoŭcy pierad scenaj — niekalki tysiač čałaviek. Ihraje badzioraja muzyka. Čakajuć vystupoŭcaŭ.
16.53
Kala sceny ŭ parku Družby narodaŭ źbirajucca ludzi.
19 lipienia Śviatłana Cichanoŭskaja ładzić pieršuju sustreču z vybarcami ŭ Minsku. Jana pryznačanaja na 17.00 u parku Družby narodaŭ na płoščy Banhałor.
Aproč Śviatłany Cichanoŭskaj biaruć udzieł pradstaŭnicy štaboŭ Viktara Babaryki i Valeryja Capkały — Maryja Kaleśnikava i Vieranika Capkała.
Za niekalki hadzin da minskaj prajšła sustreča ŭ Dziaržynsku — jana sabrała sotni ludziej.