Heta historyja adnoj z najhałoŭniejšych biełaruskich arhanizacyj u Złučanych Štatach.
Zasnavany ŭ 1951 h. (dziejničaje i pa siońnia) jak arhanizacyja arhanizacyj, BKKA napačatku abjadnaŭ adno z kryłaŭ emihracyi: h.zn. tych, chto padtrymlivaŭ płatformu BCR. Abo navat tak: tych, chto nie padtrymlivaŭ Mikoły Abramčyka i Rady BNR.
Potym da BKKA dałučylisia i arhanizacyi inšaha kirunku: Biełaruska‑amierykanski źviaz Mikoły Ščorsa i Janki Stankieviča, jaki demanstratyŭna admiežavaŭsia ad abodvuch płatformaŭ, Biełaruska‑amierykanskaje abjadnańnie ŭ Ńju‑Jorku (Kastuś Mierlak), jakoje vyznavała palityčnuju płatformu BNR; biełaruskija parafii, što trymalisia jurysdykcyi kanstancinopalskaha patryjarchatu.
Praca BKKA išła ŭ niekalkich kirunkach: infarmavańnie pra biełaruskuju prablemu, udzieł u pracy antykamunistyčnych amierykanskich ustanoŭ, arhanizacyja nacyjanalnych asiarodkaŭ.
Dziakujučy BKKA biełarusy byli ŭklučanyja ŭ Akt ab paniavolenych narodach, pryniaty Kanhresam ZŠA ŭ 1959 h.
Vyviešvańnie ad pačatku 1960‑ch nacyjanalnaha ściaha la meryj amierykanskich haradoŭ i abviaščeńnie dnia 25 Sakavika Biełaruskim dniom, było zasłuhaj biełaruskich arhanizacyj, u tym liku i BKKA.
U knizie taksama aśviatlajecca historyja pavajennaj emihracyi ŭ ZŠAz zakranańniem sacyjalnych aśpiektaŭ, a taksama padrabiazna razhladajecca palityčny raskoł na biełaruskaj emihracyi kanca 1940‑ch.
Bahata ilustracyj i dakumientaŭ.
Aŭtar knihi — Aleh Hardzijenka — historyk, daśledčyk historyi emihracyi dy supracoŭnik «Našaj Nivy».
Pradmovu da knihi napisaŭ dyrektar Biełaruskaha instytuta navuki i mastactva ŭ Ńju‑Jorku Vitaŭt Kipiel. Sp. Kipiel i Janka Zaprudnik taksama vystupili navukovymi recenzientami knihi.
* * *
Biełaruski kanhresavy kamitet Ameryki (BKKA) / Aleh Hardzijenka. — Smalensk, 2009. — 428 s., [12] c. ił. (BINIM, Biblijateka Baćkaŭščyny; kn. 16).
Šukajcie ŭ kniharniach, pryvatnych raspaŭsiudnikaŭ, na siadzibach BNF i TBM.