Vuličnyja akcyi ŭ Biełarusi prachodziać tolki z adnoj metaj — skinuć uładu. Takoje mierkavańnie vykazaŭ staršynia Biełteleradyjokampanii Ivan Ejsmant u efiry prahramy «Zrazumiełaja palityka» na BT.
Fota Nadziei Bužan
«Vykazvańnie alternatyŭnaha punktu hledžańnia, u tym liku na vulicach, — heta narmalna. U nas jość śpiecyjalna adviedzienyja dla hetaha miescy, jość pracedura, jana davoli prostaja — vyjści na vulicu možna pa zajaŭnym pryncypie. Vychodziać i ŭ Polščy, i ŭ Niamieččynie, i ŭ Francyi, i ŭ Vialikabrytanii. Ale, pa-mojmu, tolki ŭ našaj krainie ŭsie vychady źviazany tolki z adnoj metaj — skinuć uładu, — ličyć Ivan Ejsmant. — U Brytanii maci zmahajucca za svaje pravy, u Hiermanii «zialonyja» bjucca z palicyjaj, niechta jašče adstojvaje svaje pravy — u Brusieli vylivajuć małako na vulicy. U nas štoraz havorka idzie pra toje, što treba dasiahnuć kančatkovaj mety ŭ vyhladzie źviaržeńnia kanstytucyjnaha ładu».
