Fienamienalna nieahresiŭnaja kampanija Cichanoŭskaj: nivodnaha incydentu
Siońnia skančajecca pieryjad ahitacyjnaj kampanii na vybarach. 9 žniŭnia — asnoŭny dzień hałasavańnia.
Padsumoŭvajučy hety pieryjad, chočacca adznačyć vielmi pazityŭny dla pierśpiektyŭ Biełarusi fakt.
Kampanija papularnaha kandydata Śviatłany Cichanoŭskaj prajšła nie prosta mirna, a ŭvohule biez adzinaha incydentu.
Cichanoŭskaja źbirała hihanckija pa biełaruskich mierkach mitynhi, na hetyja zbory časam prychodzili apanienty, a časam — adkrytyja pravakatary, jak na 10-tysiačnym schodzie ŭ Homieli. Adnak nijaki akt nasilla nie azmročyŭ hetaj fiejeryčnaj kampanii.
Navat kali ŭłady ŭ parušeńnie ŭłasnaha ž zakanadaŭstva zabaranili takija čakanyja mitynhi-kancerty ŭ Minsku, Słucku i Salihorsku da inšych haradach, navat kali adbylisia zatrymańni davieranych asob Cichanoŭskaj — a ŭsiaho ŭ Biełarusi za čas «vybarčaj kampanii» zatrymana pad 1400 čałaviek, sumny rekord dzikaha parušeńnia kanstytucyjnych normaŭ, — praciŭniki Alaksandra Łukašenki nie adkazali nasillem na nasille.
Absalutna niehvałtoŭny, nieahresiŭny charaktar biełaruskaj apazicyi daje dobryja nadziei na budučyniu Biełarusi. Jak pakazvaje historyja inšych krain, tam, dzie zmahańnie za hramadzianskija pravy i svabody adbyvałasia niehvałtoŭna, raźvićcio krainy paśla nadychodu pieramien adbyvałasia našmat bolš paśpiachova, čym tam, dzie jano supravadžałasia nasillem.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary