Staraja baćkoŭskaja zaviadzionka ŭznaharodžvać dziaciej-školnikaŭ za «piaciorki» atrymała svoj praciah: chiba sioleta daryć buduć užo nie baćki, a «piaciorki», naturalna, zamieniacca na «dziesiatki». Hramadskaja inicyjatyva «Budźma biełarusami!» i internet-supolnaść Moładź.orh vystupili ź inicyjatyvaj «Dziesiatačka»: kožny školnik, jaki atrymaŭ «10» pa biełmovie ci biellicie, zaraz zmoža atrymać kaštoŭny suvienir.
Pradstaŭnica internet-supolnaści moladz.org Nadzieja Sinkievič kaža, što akcyja pa atrymańni suvieniraŭ za vydatnyja adznaki pačniecca ŭ Miensku z traŭnia hetaha hodu: atrymałyja dziasiatki pa biełmovie ci biellitu, zmohuć zavitać pa peŭnym adrasie, jaki budzie apublikavany na sajcie moladz.org, i tam, pradjaviŭšy dziońnik, atrymać kaštoŭny suvienir: majku, značok ci kružełku. «Akcyja pa abnajaŭlivańni školnych adznak budzie prachodzić u vychodnyja, — kaža Nadzieja, — kab nie adryvać vučniaŭ ad zarablańnia novych «dziasiatak». Budźma vydatnikami!
