U Minsku zatrymanyja vałanciory štaba Viktara Babaryki. Juryst štaba Maksim Znak miarkuje, što piaciarych vałancioraŭ zatrymali ŭ ramkach spravy pa art. 293 (Masavyja biesparadki) Kryminalnaha kodeksa, piša Tut.by.
Zaraz štabu Babaryki viadoma pra zatrymańnie piaciarych: Lavona Chałatriana, Antona Bialenskaha, Arcioma Panasiuka, Dźmitryja Nahajčenki, Andreja Paźniaka.
Pa słovach jurysta štaba Maksima Znaka, usie piaciora zatrymanyja ŭ ramkach kryminalnaha pracesu.
— Papiarednie viadoma, što ich zatrymlivaŭ HUBAZiK, advakataŭ da ich pakul nie dapuścili, ale abaroncam paviedamili, što śledčyja dziejańni budzie ažyćciaŭlać upraŭleńnie Śledčaha kamiteta pa horadzie Minsku. Advakataŭ da ich pakul nie puścili, abvinavačańnie nie pradjaŭlena, ale zychodziačy z papiarednich razmoŭ, jakija vialisia ŭ HUBAZiK z členami kamandy, u tym liku pra Cichanoŭskaha, havorka budzie iści pra art. 293.
Heta pakul hipoteza, jana nie paćvierdžana. Plus nam pastupajuć paviedamleńni ad hramadzian z usioj krainy, što pa kryminalnaj spravie prachodziać i tyja, chto prosta jarka vykazvaŭ svaju hramadzianskuju pazicyju, — skazaŭ Maksim Znak.
Akramia taho, štab nie moža źviazacca z častkaj svaich vałancioraŭ. Da viečara štab płanuje sabrać infarmacyju pa ŭsich zatrymanych vałanciorach i členach štaba.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie6
Kamientary