Kiraŭnik MZS Aŭstryi nazvaŭ umovy ŭviadzieńnia sankcyj suprać uładaŭ Biełarusi
Jeŭrapiejski sajuz padymie pytańnie ab uviadzieńni kropkavych sankcyj u dačynieńni da ŭładaŭ Biełarusi, kali jany nie vykanajuć patrabavańni pa spynieńni hvałtu suprać svajho nasielnictva i nie pačnuć unutrydziaržaŭny dyjałoh. Pra heta zajaviŭ u čaćvier kiraŭnik MZS Aŭstryi Aleksandier Šalenbierh, piša TASS.
Asnoŭnym patrabavańniem zaraz pavinna być spynieńnie hvałtu, vyzvaleńnie advolna zatrymanych demanstrantaŭ i žurnalistaŭ, spynieńnie błakady internetu. Pierš za ŭsio, kab adbyŭsia ŭsiebakovy ŭnutrydziaržaŭny dyjałoh. Ja liču, što Jeŭrapiejski sajuz robić pravilna, što kali hetyja kroki nie buduć zroblenyja biełaruskim bokam, tady my abaviazkova taksama padymiem pytańnie pra kropkavyja sankcyi», — zajaviŭ ministr u efiry telekanała ORF 2.
Kancler Aŭstryi Siebaśćian Kurc u čaćvier asudziŭ hvałtoŭnyja dziejańni ŭładaŭ Biełarusi suprać demanstrantaŭ, zaklikaŭ vyzvalić aryštavanych na pratestach ludziej, a taksama rasśledavać vypadki hibieli pratestantaŭ. Raniej MZS Aŭstryi zaklikaŭ ułady Biełarusi spynić hvałt i razbłakavać internet, a taksama zajaviŭ pra nieabchodnaść pierahladu adnosin ES i Minska.
-
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju
-
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
-
Kaja Kałas — biełarusam: Vy možacie raźličvać na Jeŭrapiejski sajuz. Bolšaść krain ES vyjšli z chałodnaha aŭtarytarnaha minułaha
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1919
Kamientary