Maryja Kaleśnikava: Vyzvalicie ŭsich palitviaźniaŭ i pakažycie realnyja vyniki hałasavańnia na kožnym učastku

Paplečnica Śviatłany Cichanoŭskaj, pradstaŭnik štaba Babaryki Maryja Kaleśnikava vystupiła sa zvarotam.

Zaraz da Biełarusi źviernutyja vočy usiaho śvietu. Za nas pieražyvajuć prostyja hramadzianie, presa, palityki, znakamitaści. Uvieś śviet zachaplajecca nami!

Uvieś śviet choča vyratavać nas. Uvieś śviet choča spynić hvałt nad biełarusami, prapanuje svaju dapamohu.

Z kožnym dniom niazhoda nabiraje siłu. Rabočyja ładziać zabastoŭki, daktary vychodziać na vulicy ŭ łancuhu salidarnaści, dziaŭčaty razdajuć kvietki, hučyć «Pieramien», sihnalać mašyny, viadoŭcy dziaržkanałaŭ zvalniajucca adzin za adnym, siłaviki zdymajuć formu, ajcišniki i biźniesmieny dapamahajuć paciarpiełym i zatrymanym. Hramadzianie źbirajuć hrošy, biełarusy apładzirujuć adzin adnamu i padtrymlivajuć adzin adnaho tak, jak hetaha nie było jašče nikoli. Ludzi bolš nie bajacca, jany bolš nie miracca z padmanam, ich bolš nie prymusić padparadkavacca tym, kaho jany nie vybirali.

Uvieś śviet razumieje, što zvarotnaha chodu dla Biełarusi niama.

ŚMI pišuć, što biełaruski narod nie daruje hetaj žorstkaści ad dziejučaj ułady, mižnarodnyja palityki adzin za adnym zaklikajuć dziejnaha prezidenta spynić ździek nad narodam. Toje, što adbyvajecca pakul nie mohuć acanić tolki biełaruskija ŭłady. Niaŭžo jany spadziajucca na toje, što zaŭtra my źniščym z pamiaci padziei hetych dzion?

My źviartajemsia da dziejučaj ułady. My zaklikajem jaje:

1. Nieadkładna spynić prymianieńnie fizičnaj siły i abmiežavańnia voli. Biełarusy majuć prava mirna vykazvać svaju niazhodu, hulać pa vulicach, nasić branzalety tych koleraŭ, jakija im padabajucca.

2. Vypuścicie ŭsich palityčnych źniavolenych i zatrymanych. Lik užo pieravaliŭ za 6 000.

3. Pakažycie realnyja vyniki hałasavańnia pa kožnym vybarčym učastku, dajcie vybarščykam dakumienty na pravierku.

4. Mery usich haradoŭ! 15 i 16 žniŭnia Vy pavinny vystupić arhanizatarami mirnych masavych schodaŭ u kožnym horadzie. Dajcie ludziam mahčymaść mirna vykazać svajo mierkavańnie.

My spadziajemsia, što dziejučaja ŭłada pačuje nas, pačuje ŭsich biełarusaŭ, prymie pravilnaje rašeńnie i vykanaje ŭsie pieraličanyja punkty našaj prapanovy.

Biełarusy! My — nievierahodnyja. My nacyja ź vialikaj litary. Pavahu da taho, jak my zmahajemsia za svajo zakonnaje prava na svabodu i vybar — niemahčyma vymierać. Kali łaska, bieražycie siabie. Našy žyćci, zdaroŭje i svaboda — samyja hałoŭnyja kaštoŭnaści.

• 0
• 0
• 0
• 0
• 0
• 0
• 0
• 0