Śviatłana Cichanoŭskaja abviaściła pra hatoŭnaść stać nacyjanalnym lidaram
«Maje darahija biełarusy, my zaraz pieražyvajem składany pieryjad, kali podłaść miažuje z hieraizmam, a adčaj z mužnaściu. U hety pieryjad my pavinny zrabić svoj vybar, hetaha patrabuje ad nas čas. U hetyja dni, kali my chavajem svaich hierojaŭ, ja płaču razam z vami. Heta nievierahodnyja straty dla krainy. Heta ni ŭ čym nievinavatyja maładyja ludzi. Ich imionami my pavinny ŭ budučyni nazvać vulicy. Ich imiony zastanucca ŭ pamiaci.
U mianie nie było iluzij adnosna svajoj palityčnaj karjery. Ja nie chacieła być palitykam. Ale los rasparadziŭsia tak, što ja apynułasia na samaj piaredniaj linii supraćstajańnia ź biaźmiežžam i niespraviadlivaściu. Los i vy — vy, jakija pavieryli ŭ mianie i dali mnie siły. I zaraz ja kožnuju chvilinu zachaplajusia vašaj mužnaściu, jakija vy mocnyja i śvietłyja. Vy addali mnie svaje hałasy, i ja heta caniu.
My ŭsie chočam vyjści z hetaha koła, u jakim apynulisia 26 hadoŭ tamu.
Ja hatova pryniać na siabie adkaznaść i vystupić u jakaści nacyjanalnaha lidara, z tym kab kraina supakoiłasia i ŭvajšła ŭ narmalny rytm, kab my vyzvalili ŭsich palitviaźniaŭ i ŭ karotkija terminy padrychtavali zakanadaŭčuju bazu dla novych prezidenckich vybaraŭ — realnych, sumlennych, jakija buduć pryniatyja suśvietnaj supolnaściu».
Dla ŭsiaho śvietu stała jasna, što biełarusy — heta ludzi, jakija ŭmiejuć samaarhanizoŭvacca.
U chodzie videazvarotu kandydat u prezidenty paabiacała «pryniać» ščyryja raskajańni prychilnikaŭ uładaŭ.
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary