Archijepiskap hrodzienski — nastaŭnikam: «Vam na kaleniach treba stajać, za ŭsie falsifikacyi, za tuju chłuśniu»
Horadzienski archijapiskap Arciemij vystupiŭ u niadzielu z kazańniem, u jakim žorstka raskrytykavaŭ ułady. «Palityki ŭsich krain zaŭsiody buduć staracca padmiać pad siabie Carkvu, kab Carkva adpaviadała patrabavańniam ułady zamožnych». — zajaviŭ jon, piša Radyjo Svaboda.
«My kažam, što ŭčyniajecca biezzakońnie! Našy ludzi źviarejuć! I drapiežać svaich ža bratoŭ! Da nas, śviataroŭ, prychodziać i apaviadajuć sa ślaźmi na vačach: «Što z majoj dačkoj robiać?!» Da nas prychodziać i raskazvajuć pažyłyja ludzi: «Na łavačcy siadzieli, a ich źbili, źniavažyli»! Jany žyli, kaža, za našu Ajčynu».
Jon paprasiŭ ludziej nie maŭčać, a adkaznych za biezzakońnie zaklikaŭ spynicca.
«Treba havaryć. Vučycca ŭ ich, u moładzi! A toj, chto starejšaje pakaleńnie, jakoje burčyć, nastaŭniki: «My tam palityku ŭbačyli» — vam na kaleniach treba stajać, za ŭsie falsyfikacyi, za tuju chłuśniu, jakuju vy pchali našym dzieciam! Za hety BRSM, za kamsamoł, za ŭsio toje, što było… ateistyčnaje. Voś vynik vašaha vychavańnia! Ciapier vašy vychavancy z łancuha sarvalisia! Jany prahnuć kryvi. Jany šalonyja».
Jon padziakavaŭ udzielnikam mirnaha pratestu za niepryniaćcie hvałtu.
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta10
Kamientary