Pra heta karespandentu NN raskazaŭ viadučy radyjo «Stalica» Valeryj Kandraćjeŭ.
«Z paniadziełka supracoŭniki radyjo padtrymali ahulnanacyjanalnuju zabastoŭku. Z samaha ranku ŭ efir nie vyjšła ni adna zabaŭlalnaja prahrama. Tolki naviny sportu i prahnoz nadvorja vychodzili ciaham dnia. U aŭtorak było skazana, što nas zvolniać pa artykule, na što supracoŭniki zhadzilisia kab ich zvolnili tak, — kaža jon.
Učora ŭviečary ad kiraŭnictva pryjšła prapanova vychodzić u efir vyklučna biez navin i zabaŭlalnaha kantentu. Što zaŭhodna, tolki kab vyjšli i nie pra palityku. Siońnia amal usim kalektyvam było pryniata rašeńnie napisać zajavy ab zvalnieńni, što my i zrabili».
Zvalniajucca, pavodle jaho słovaŭ, 11 čałaviek — u tym liku dyrektar radyjostancyi, namieśnik dyrektara i muzyčny redaktar.
Ciapier na «Stalicy» hraje adna muzyka z ustaŭkami sportu i prahnozam nadvorja.
Što dalej budzie z chvalaj, Valeryj Kandraćjeŭ nie viedaje. «Vierahodna budzie źmienieny farmat albo chvalu zojmie Pieršy nacyjanalny kanał Biełaruskaha radyjo», — miarkuje jon.
