Hetuju infarmacyju Tut.by paćvierdziŭ v.a. dyrektara teatra Valeryj Hramada. Pavodle jaho słoŭ pryčyna prastoju — «niemahčymaść arhanizacyi pakazu śpiektaklaŭ».
Data skančeńnia prastoju nie vyznačana.
— Da śpiecyjalnych rasparadžeńniaŭ, - skazaŭ Hramada.
Uvieś hety čas supracoŭniki buduć atrymlivać 2/3 ad akładu. Budzie pracavać tolki administracyja i adździeł realizacyi, jaki budzie zajmacca viartańniem kvitkoŭ.
Pracoŭny kodeks Biełarusi (častka 1, artykuł 34) vyznačaje pad prastojem «časovuju (terminam nie bolš za šeść miesiacaŭ) adsutnaść pracy pa pryčynie vytvorčaha ci ekanamičnaha charaktaru (vychad z ładu abstalavańnia, miechanizmaŭ, adsutnaść syraviny, materyjałaŭ, elektraenierhii i h.d.)».
Nahadajem, što 17 žniŭnia hiendyrektar Kupałaŭskaha Pavieł Łatuška byŭ zvolnieny, a z ranicy 19 žniŭnia teatr byŭ zabłakavany — supracoŭniki i akciory nie mohuć patrapić u budynak. Učora, 20 žniŭnia, Valeryj Hramada zajaviŭ, što pryčynaj takoj situacyi stali aficyjnyja źviestki Minzdaroŭja ab najaŭnaści karanavirusa.
Kupałaŭski teatr pavinien byŭ adkryć siezon siońnia, 21 žniŭnia śpiektaklem «En souvenir de Šahał», pryśviečany Marku Šahału. Užo ŭčora hety śpiektakl byŭ admienieny. Na momant publikacyi na sajcie teatra pakazana, što Kupałaŭski pavinien byŭ adkrycca 25 žniŭnia śpiektaklem «Paŭlinka».
Akciory teatra paćvierdzili TUT.BY, što płanujuć siońnia padać zajavy ab zvalnieńni. Raniej jany ŭžo pisali ich, paśla čaho ich zavizavaŭ mastacki kiraŭnik teatra Mikałaj Pinihin.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary