Žančyna ŭ Breście z bałkona paprasiła siłavikoŭ nie bić chłopca — i atrymała kulu ŭ žyvot

Uviečary 10 žniŭnia žycharka Bresta Volha Rybakova stała śviedkaj žorstkaha zatrymańnia ludźmi ŭ čornym maładoha čałavieka. Za tym, što adbyvajecca jana nazirała z bałkona svajoj kvatery na čaćviortym paviersie šmatpaviarchovika. U adkaz na jaje patrabavańnie spynić hvałt u Volhu strelili humavaj kulaj. Z tych časoŭ jana ŭ balnicy - i raspaviała TUT.BY, što ź joj adbyłosia.

Pavialičyć

Volha pracuje stamatołaham ŭ adnoj z klinik Bresta. Uviečary 10 žniŭnia jana była doma z 21-hadovym synam. Vokny jaje kvatery vychodziać na parkavuju zonu Nabiarežnaj Francyska Skaryny. Kala 23.30 Volha z synam pačuli kryki z vulicy:

— U nas na voknach byli začynienyja ralety, i tamu my pryadčynili bałkonnyja dźviery, kab pahladzieć, što adbyvajecca. Ja ŭbačyła, jak ludzi ŭ čornaj formie i šlemach sa ščytkami bili i vałakli chłopca ŭ mikraaŭtobus. Ich było nie mienš za šeść čałaviek. Dla mianie heta šok. Ja nie prymaju hvałt ni ŭ jakoj formie. Kateharyčna. Dźvie dziaŭčynki, jakija byli z chłopcam, prysieli na kukiški na travie hazona, niepadalok. Da ich padyšli dvoje i adzin ź ich udaryŭ dziaŭčynku nahoj. Ja zakryčała: «Što vy robicie! Pierastańcie». Na heta adzin z supracoŭnikaŭ u hrubaj formie zahadaŭ usim schavacca. Nichto nie čakaŭ, što mohuć stralać, ale jon u mianie streliŭ. Usio heta adbyłosia za ličanyja siekundy.

Humavaja kula trapiła Volzie ŭ nižniuju častku žyvata, razarvaŭšy miakkija tkaniny.

- Zrabiŭšy ŭ pakoj paru krokaŭ, ja apuściłasia na kaleni. Bol byŭ žudasny. Pradstaŭlajučy sabie, što ad humovych kulaŭ byvajuć tolki siniaki, padumała: «Nu, hiematoma budzie, raz tak balić». Ale adčuła, što hublaju prytomnaść. Syn ad stresu kryčaŭ: «Mama, mama, tolki nie sychodź!». Ubačyŭšy kroŭ, ja zrazumieła, što prytomnaść hublać nijak nielha. Kali zakranuła sasud, što tak i prosta naliŭsia kryvioj u syna na rukach, bo chutkaja moža zatrymacca z-za pierakrytych vulic. Ja zacisnuła ranu kułakom, kab nie kryviła. Syn vyklikaŭ chutkuju i pabieh da babuli pa našatyr — jany žyvuć pobač, u susiedniaj kvatery. Ja była ščaślivaja, što nie trapili ni ŭ syna, ni ŭ maich baćkoŭ.

Miedyki ahledzieli Volhu, nakłali joj paviazku, pastavili kropielnicu i zabrali ŭ balnicu.

- Mianie pryvieźli ŭ čyhunačnuju balnicu. Daktary vielmi dobryja, uvieś čas da mianie prychodzili, prasili paciarpieć troški - apieracyjnaja była zaniataja. Tam apieravali kahości, chto pastupiŭ raniej mianie taksama z ranaj ad humavaj kuli. Mianie praapieravali ŭ tuju ž noč, prybrali razarvanyja i raźbityja kulaj tkanki vakoł rany. Nakłali sterylnuju paviazku i advieźli ŭ chirurhičnaje adździaleńnie. Daktary skazali, što ja ščaśliŭčyk: unutranyja orhany nie zakranutyja. Ciapier u mianie adkrytaja rana. Jaje padlečvajuć, kab potym možna było zrabić apieracyju z płastykaj. Mnie kožny dzień robiać pieraviazki, uvieś minuły tydzień byli kropielnicy i ŭkoły. U hetym adździaleńnie ŭsie - lekary, siastryčki, sanitarački, - prosta dziŭnyja ludzi. Niezvyčajna dušeŭnyja i vielmi prafiesijnyja.

Pavialičyć

Pa słovach Volhi, hety tydzień jana praviadzie ŭ špitali.

- Prablema ŭ tym, što hetaja humavaja kula raźbivaje tkanki i vyryvaje kavałki miasa. Tamu pačynajecca niekroz tkanin. I, kali jaje adrazu zašyć, to tkanki admirajuć pad švami i hnajacca. Takija rany pakidajuć adkrytymi, kab pastupova źnikła ŭsio, što pavinna admierci - pakul nie zašyta. Paśla budzie apieracyja. Daktary kažuć, što z takimi ranami im nie davodziłasia pracavać, bo vajna daŭno skončyłasia. Ale jany zaprosiać śpiecyjalista. Mahčyma, z apiokavaha adździaleńnia.

Brestaŭčanka padała zajavy ŭ Śledčy kamitet z patrabavańniem pravieści pravierku i pryciahnuć vinavatych da adkaznaści:

- My vyrašyli, što pra heta nielha maŭčać. Chočacca, kab ludzi razumieli, što tak nie pavinna być. Heta biesčałaviečna. Nielha dapuścić, kab heta kali-niebudź paŭtaryłasia. Kali ŭ Śledčym kamitecie budzie stos zajavaŭ ad paciarpiełych - heta ŭžo budzie pakazalna. I tut havorka nie pra palityku, a pra humannaść i čałaviečnaść. Usim nam ja ad usioj dušy žadaju stojkaści, dabra i miru.

• 0
• 0
• 0
• 0
• 0
• 0
• 0
• 0