Minabarony pra vystup Chrenina: Biełaruski narod nie choča, kab jamu što-niebudź naviazvali zvonku
Ministerstva abarony adkazała na publikacyju tezisaŭ ministra Viktara Chrenina na sajcie «Našaj Nivy».
Čytajcie. «Złačynny zahad, nie złačynny… My — ludzi vajennyja». Zakryty vystup ministra abarony pierad aficerami
U vajennaje viedamstva pastupajuć pytańni ad pradstaŭnikoŭ ŚMI z nahody «zakrytaj narady, na jakoj vystupiŭ ministr abarony». Infarmujem, što nijakaj zakrytaj narady nie pravodziłasia. Ministr vystupiŭ na płanavym infarmavańni, jakoje prachodzić rehularna.
Biełaruskaja armija była i zastajecca niepadzielnaj častkaj biełaruskaha naroda, jaki nie choča, kab jamu što-niebudź naviazvali zvonku.
My bačym, što ŭ internecie ŭžo traktujuć vystup ministra jak toje, što jon «pierakonvaŭ aficeraŭ u tym, što jany pavinny vykonvać luby zahad, navat złačynny».
Vykanańnie zahadaŭ vyrazna rehłamientavana statutami. Punkt 35 Statuta ŭnutranaj słužby Uzbrojenych Sił vyznačaje, što «zahad —abaviazkovy dla vykanańnia, vykazany ŭ strohaj adpaviednaści z zakanadaŭstvam vusny abo piśmovy ŭkaz načalnika».
Bolš za toje, samo prymianieńnie Uzbrojenych Sił dakładna vyznačana zakonami i vajennaj daktrynaj Biełarusi.
Što tyčycca słoŭ hienierał-majora Viktara Chrenina, to ŭčora jon vystupiŭ z zajavaj ab pačatku kompleksnaha taktyčnaha vučeńnia na hrodzienskim kirunku. Jaho vystup zaviaršajecca słovami: «My ŭsie biełarusy. Heta naša ziamla i my jaje nikomu nie addadzim» — heta ŭsio, što treba viedać ab pazicyi ministra abarony.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary